FATTOHHON.COM
« Все новости
11 апрель куни “Алишер Навоий” киносаройида “Ўзбеккино” Миллий агентлиги буюртмасига кўра, суратга олинган “Унутма мени” фильмининг премьераси бўлиб ўтди.
Фильм режиссёри Қамара Камалова.
Оператор Умид Маликов
Бастакор Владимир Барамиков
Монтаж режиссёри Муҳбилло Убайдуллаев
Картина директори Дилшод Мирзамуротов
Фильмда бош ролларни ёш актёрлар Севинч Абдураҳмонова, Зебо Шарипова, Рашид ижро қилишган.
Шунингдек, Тоҳир Миралиев, Дилшод Мирзамуротов ҳам суратга тушишган.
Фильм болалар ҳаёти ҳақида бўлиб, фильм воқеаларида кичкина қизалоқнинг таътил вақтида бувисининг олдида, қишлоқда бўлган кундалик турмуш тарзи кўрсатилган.
Фильмнинг монтаж режиссёри Муҳбилло Убайдуллаев: - Фильмдаги қизалоқ қишлоқда янги дўстлар билан танишади ва табиат мўъжизаларидан баҳраманд бўлади. Фильм томошабинни меҳру мурувватга, яқинларига нисбатан инсоний муносабатда бўлишга ва табиатга эътиборли бўлишга ўргатади. Тарбиявий аҳамияти жуда катта. Агар ана шундай фильмлар катталар билан ишланса, катталар учун фильм қилинса, ҳар томонлама, омадли чиқади, деб ўйлайман. Чунки, фильмнинг ўзини айтмоқчи бўлган фикри бор. Ёш болалар дунёқараши орқали, уларнинг хурсандчилиги ва қайғулари, аниқ ҳамда профессионал даражада кўрсатилган.
“Унутма мени” фильми ҳозирда “Алишер Навоий” киносаройида намойиш қилинмоқда!
Ижодий ҳамкорлик учун Сардор Ариповга ва Фотосуратлар учун Мурод Лапасовга миннатдорчилик билдирамиз.
Феруза Фаттохова
