FATTOHHON.COM
« Все новости
11 апрель куни соат 18.00 да “Киночилар уйи”да, “Заминфильм”нинг «Жаноб» Хот-Догчи” фильмининг премьераси бўлиб ўтди.
Премьерада кўплаб машҳурларни учратиш мумкин эди. Хонандалар Улуғек Раҳматуллаев, Муниса Ризаева, Умидахон, Отабек Маҳкамов, режиссёр Дилбар Юсупова, Жонрид, актрисалар Анжелика Есимбетова, Муқаддас Саъдуллаева ва бошқалар...
Премьера олдидан саҳнада хонанда Муниса Ризаева ўз қўшиқларини ижро қилди.
Шунингдек, Муҳаммадисо Абдулхаиров ва Ботир Яминов томонидан ижро қилинган “Жаноб” Хот-Догчи” фильми саундтрек видеоклипи ҳам намойиш қилинди.
Сўнг фильм ижодкорлари саҳнага таклиф этилиб таништирилди.
Фильм режиссёри Қобил Каримбердиев
Картина директори Рамазон Маҳамадов
Бадиий раҳбар ва постановкачи оператор Иқбол Мелиқўзиев
Фильмда бош ролларни Шерзод Бин, Муҳаммадисо Абдулхаиров, Ситора Алимжонова ва Шаҳзода Муҳамедовалар ижро этишган. Шунингдек, фильмда Муяссар Бердиқулова, Тўхтамурод Азизов, Жумадилла Раметов, Гулчеҳра Носировалар ҳам суратга тушишган.
Монтаж режиссёри Муҳбилло Убайдуллаев
Фильм намойиши бошланди.
Фильм мазмунига кўра актуал мавзуга қўл урилган. Унда ўзича йигитларни алдаб, улардан ўз манфаати йўлида фойдаланишга уринадиган қизлар танқид остига олинган. Ёлғон оқибатида барбод бўлган инсон тақдири, бунинг асл сабабалари очиб беришга ҳаракат қилинган.
Бош роль ижрочиси Шерзод Бин ўз маҳоратини кўрсата олган. Фильмда барча роль ижрочилари ўз ролларини берилиб, ижро этганликлари билиниб турибди.
Фильм таъсирли ва шу билан бирга кулгили воқеаларга бой.
Шерзод Бин: - Бу кун, премьера ҳар бир ижодкор учун бахтли кун. Фильм ҳақида гапирадиган бўлсак, шунча курашдик. Кўплар фильмдаги имиджим ҳақида, ролимнинг жиддийлиги ҳақида, уларга маъқул бўлганлиги ҳақида гапиришди. Ролимда бир вақтнинг ўзида комедик ҳолатдан жиддийликка, жиддийликдан комедик ҳолатларга ўтишга тўғри келди. Фильмда ҳалолликка алоҳида урғу берилган, ҳаром томоқ яхшиликка олиб келмаслиги таъкидланган. Бировнинг ҳақини ейиш, ўғирлик яхшилик олиб келмаслиги, бировнинг бахтсизлиги орқали, бахтга эришиб бўлмаслиги кўрсатиб берилган.
Албатта, фильмда баъзи камчиликлар ҳам мавжуд. Аммо, иш бор жойда камчилик бўлади, қолаверса, баъзи бир меъёрдан ошиқ ҳолатлар бадиий кенгашда “кесилган”.
Ҳар қандай фильм тақдирини томошабинлар ҳал этадилар.
“Жаноб” Хот-Догчи” фильми ҳозирда “Киночилар уйи”да 12 апрелдан намойиш этилмоқда!
Ижодий ҳамкорлик учун Сардор Ариповга ва
Фотосуратлар учун Мурод Лапасовга миннатдорчилик билдирамиз.
Феруза Фаттохова
