FATTOHHON.COM
« Все новости 
«Ниҳол» мукофоти совриндори Умидахоннинг илк “Юлдузимсан” альбом тақдимоти, ҳозирда хонандалар ўз альбом тақдимотларини ўтказишлари анъанага айланган “Discovery” мусиқий магазинида бўлиб ўтди.
Тақдимотда Умидахоннинг шоу бизнес оламидаги дугоналари, ОАВ вакиллари ва мухлислари иштирок этишди.
Мусиқий альбомдан 41 та қўшиқ ўрин олган бўлиб, Умидахоннинг шу вақтгача бўлган барча қўшиқлари орасидан сараланиб олинганлари, мазкур альбомга жамланган.
Альбомдан Умидахоннинг турли йўналишдаги қўшиқлари, шунингдек Евро қўшиқлар ҳам ўрин олган, яъни хориж хонандаларининг репертуарларидан Умидахон куйлаган қўшиқлар.
Тақдимот давомида Умидахон илк альбом ҳақида, альбом номи нега “Юлдузим” эканлиги, альбомдаги қўшиқлар, шахсий ҳаёти (қачон тўйи бўлишигача), отаси билан дуэт куйлаш нияти ҳақидаги барча саволларга очиқ-ойдин жавоб берди! ВИДЕОДА!
Тақдимот якунида эса, йиғилганларнинг талабларига кўра, “Юлдузим” ва “Қоч” қўшиқларини куйлаб берди.
Шунингдек, уни ҳамкасбларидан Манзура, Дилсўз, Ойбек ва Нигора, Фарруҳ Аҳмедов, Мадина Мумтоз, Аъло Раҳимова, Камола Орипова ва бошқалар уни самимий табриклашди! Айниқса, Нигоранинг совғаси ўзгача бўлди! ВИДЕОДА!
Альбом тақдимоти қувноқ, самимий ва кўтаринки руҳда ўтди!
Саида Вахобова
Феруза Фаттохова
