FATTOHHON.COM
« Все новости
“Сени куйлаймиз замондош!” Республика театрларининг кўрик-фестивали 2011 йил таъсис этилган бўлиб, тўртинчи бор ўтаётган кўрик-фестиваль Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича ҳаракатлар стратегияси тўғрисида”ги РФ 4947-сонли Фармони билан тасдиқланган “Халқ билан мулоқот ва инсон манфаатлари йили давлат Дастури”да белгиланган вазифалар ҳамда, Вазирлар Маҳкамасининг 2017 йил 20 июндаги 117-сонли мажлис Баёнида белгиланган вазифаларни бажариш мақсадида ўтказилмоқда.
Кўрик-фестиваль таъсисчиси Ўзбекистон Республикаси Маданият вазирлиги ҳисобланиб, ҳамкор ташкилотлар Ўзбекистон Ёзувчилар уюшмаси, Ўзбекистон Миллий телерадиокомпаниясидир.
Театр санъати соҳасидаги энг яхши асарлар учун ташкил этилаётган кўрик-фестивалнинг мақсади Ватанимиз мустақиллигини, миллий қадриятлари ва юртимизда олиб борилаётган улкан бунёдкорлик ишларини тараннум этувчи, Ватанимиз мустақиллиги, тинчлиги ва ободлиги йўлида фидокорона меҳнат қилаётган илғор фикрли замондошларимиз образлари акс этган замонавий мавзулардаги спектакллар яратиш. Ўзаро ижодий тажриба алмашишни юзага келтириш ҳамда, томошабинларимизни Ўзбекистон театр санъатининг энг сара намуналари билан яқиндан таништиришдан иборат.
Кўрик-фестивалда қатнашган асарларни мутахассислар иштирокида муҳокама қилиш, уларга муносиб баҳо бериб рағбатлантириш, оммавий ахоброт воситалари орқали кенг тарғиб этиш, ҳамда энг яхшиларини Халқаро фестиваллар ва гастролларга тавсия этиш танловнинг асосий вазифаларидан ҳисобланади. 2017 йил кўрик-фестивалда Қорақалпоғистон Республикаси ва вилоятлардан 7 та жамоа, Тошкнет шаҳридан 3 та жамоа ўзаро беллашадилар. Ўзбекистон Давлат Академик рус драма театри эса, тадбир қатнашчиларига танловдан ташқари спектакль намойиш этади.
Кўрик-фестивалда намойиш этилган спектакллар малакали мутахассислардан иборат Ҳайъат аъзолари томонидан баҳоланади, ҳамда энг сара спектакллар битта биринчи, битта иккинчи, битта учинчи ўринлар ҳамда, бир неча номинациялар бўйича диплом ва қимматбаҳо эсдалик совғалари билан тақдирланадилар.
“Сени куйлаймиз замондош!” Республика театрларининг кўрик-фестивали анъанавий равишда ҳар икки йилда ўтказилади.