FATTOHHON.COM
« Все новости 
5 апрелдан Тожикистонда Ўзбекистон ва Қорақалпоғистон Халқ артисти Озодбек Назарбековнинг гастроль концертлари бошланди!
5 июль куни Тожикистоннинг Душанбе Амфитеатрида бўлиб ўтган концертда Тожикистонлик мухлислар Санъаткорни қанчалик соғинганликларини билдиришди!
Тожикистонга Ўзбекистондан қайноқ саломлар билан борган Санъаткор концертни самимий сўзлар билан бошлаб, барча кўнгилга яқин тароналаридан куйлади.
Санъаткор томонидан “Келгин гулим”дан тортиб, устоз санъаткор Камолиддин Раҳимов репертуаридан “Қошингиз қаросиму”гача, халқ кўнглидан ўрин олиб улгурган “Лутфий” мусиқий альбомидан “Сенинг”, “Жиги-жиги” каби шўх қўшиқларгача ижро қилинди.
Томошабинлар томонидан сўралган барча қўшиқлар, севимли ва янги қўшиқларгача барчаси юракдан куйланди!
Томошабинлар ҳам, ғайратлари ичига сиғмай шўх қўшиқларга рақсга тушишди, таъсирли маҳзун қўшиқларни бирга хиргойи ҳам қилишди.
Санъаткорнинг қўшиқларида кўнгил туйғулари, ишқ-муҳаббат, инсонлар дарди, Ватанга муҳаббат, шукрона ҳисси акс этиб, барчада юқори таассурот қолдирди!
Концерт юқори ҳароратда ўтди!
Эслатиб ўтамиз, Озодбек Назарбековнинг Тожикистон бўйлаб гастроль концертлари давом этмоқда ва навбатдаги концерт дастури ҳам, бугун яъни, 6 июль куни ҳам, Душанбеда бўлиб ўтади!
Фотолар ва видео учун Продюсер Илёс Дадабоев ва Фаррухбекка миннадорчилик билдирамиз
ВИДЕО!