FATTOHHON.COM
« Все новостиЎзбекистон Республикаси Президенти “2017 йилни “Халқ билан мулоқот ва инсон манфаатлари йили” деб қабул қилганлиги муносабати билан "Ўзбекконцерт" давлат муассасаси томонидан Қорақалпоғистон Республикаси ва барча вилоятларнинг марказ шаҳар, туман ва қишлоқларида маданий маърифий тадбирлар, таниқли ва ёш санъаткорларнинг гастроль сафарлари ҳудудий географиясини кенгайтириш режаси ишлаб чиқилди.
Жорий йилнинг 22 июлида Ўзбекистон Халқ артистлари Зулайҳо Бойхонова,
Гулсанам Мамазоитова, Абдуҳошим Исмоилов,
Ўзбекистонда хизмат кўрсатган артистлар Яҳё ва Муҳсин Мўминовлар ва бир қатор ёш эстрада хонандалари Қорақалпоғистон Республикасининг Мўйноқ туманида дастлабки гастроль сафарида иштирок этишди. Туман маданият ва аҳоли дам олиш марказида ташкил этилган тадбирда маҳаллий аҳоли учун концерт дастурлари ташкил этилиб, ижодий учрашувлар бўлиб ўтди. Тадбирда туманнинг ёши улуғ кексалари, маданият ва санъат аҳли ҳамда ёшлар жами 700 нафардан ортиқ томошабин иштирок этишди.
Томошабинлар билан суҳбатда "Яқин кунларда туманга тоза ичимлик суви кириб келгани, катта шодиёна билан кутиб олинган бўлса бугунги тадбир ўша шодиёнанинг давоми сифатида эътироф этар экан, жорий йилни “Халқ билан мулоқот ва инсон манфаатлари йили” негизида аҳолига кўрсатилаётган ғамхўрликлар учун Президентимизга миннатдорчилик билдирди.
«Ўзбекконцерт» Давлат Муассасаси
Матбуот хизмати