FATTOHHON.COM

Шавкат Миромонович Мирзиёев Олмалиқ шаҳрининг кўчаларида юриб, халқ билан мулоқот қилди. Суҳбат давомида фуқаролар олиб борилаётган ислоҳотлар ва мавжуд муаммоларни ҳал қилиш бўйича амалга оширилган ишлар учун Президентга  миннатдорчилик билдирдилар.

Шунингдек, Шавкат Миромонович Мирзиёев Олмалиқ кон-металлургия комбинатининг мис эритиш фабрикаси ва махсус цехида бўлиб, иш жараёни билан танишди.

Шундан сўнг, Президент комбинатнинг мажлислар залида шаҳар ёшлари ва жамоатчилик вакиллари билан учрашди. Олмалиқ шаҳрини ижтимоий-иқтисодий ривожлантириш, Олмалиқ кон-металлургия комбинатининг моддий-техник базасини янада мустаҳкамлаш, янги иш ўринлари яратиш масалалари муҳокама қилинди.

Prezident.uz дан олинди