FATTOHHON.COM
« Все новости
6 сентябрь куни Ўзбек Миллий Академик драма театрида 103 мавсум очилиши бўлиб ўтди.
Мавсум очилишида Театрнинг деярли барча актёр, актрисалари саҳнага чиқиб, ҳамкасблар ва томошабинларни янги мавсум бошланганлиги билан қутлаб, ўзларининг самимий фикрларини баён қилдилар. ВИДЕОДА!
Мавсум очилишида драматург Иззат Султон асари асосидаги “Иймон” спектакли намойиш этилди. Бу асар Аҳмаджон Мелибоев томонидан таҳрир қилиниб, айрим қўшимчалар киритилган.
Спектакль иймон, эътиқод, маънавият ҳақида! Иймонли инсоннинг маънавияти ҳам юксак бўлади. Иймонли инсон Ватани, халқи, ота-онаси, оиласи ва касбига садоқатли бўлиб, ҳеч қачон хиёнат қилмайди.
Иймон сўзининг маъноси жуда кенг, у кўп тушунчаларни ўз ичига қамраб олади. Инсонга иймонини бутун сақлаб, тўғри йўлдан юриб, ҳалол яшаш ҳақида хулоса берувчи бу спектакль мавзуси, бугунги кун учун ҳам жуда долзарб бўлиб, инсонни диёнатли, иймонли ва инсофли бўлишга ундайди.
Спектакль воқеалари инсоф, диёнатли олим ва унинг ўғли ўртасидаги зиддият асосига қурилган. Бир умр ҳалол яшаган олимнинг ўғли, профессор Юсуповнинг топилган қўлёзмасидан фойдаланган ҳолда диссертация ёзиб, плагиаторлик орқасидан сохта обрў қозонмоқчи бўлади. Ваҳоланки, ўша диссертацияни унинг ўзи ҳам ёза оларди, бунга иқтидори ҳам бор эди. Аммо, у нафс қулига айланган устозининг сўзига киради. Бундан ташқари, у қўлёзмани яшириб, унда маълум қилинган бир қанча касалликларга қайси дорилар шифо бўлишини ҳам сир тутади. Бунинг оқибатида эса, афсуски, ўз онаси ҳам бевақт вафот этган эди...
Воқеаларнинг кутилмаган якуни томошабинларни ларзага солади.
Бу асар аввал ҳам Ўзбек Миллий Академик Драма театрида саҳналаштирилган бўлиб, унда бош ролни марҳум устоз Ўзбекистон Халқ артисти Олим Хўжаев ижро қилган. Шунингдек, бу спектаклнинг видеофильм версияси ҳам бир неча бор ТВ эфирлар орқали намойиш қилинган бўлиб, унда бош ролни марҳум устоз Ўзбекистон Халқ артисти, Ўзбекистон Қаҳрамони Зикир Муҳаммаджонов ижро қилган.
Спектаклнинг бу гал қайта дунёга келган талқинида, саҳналаштирувчи режиссёр Марат Азимов.
Бош ролда Ўзбекистон Халқ артисти Ёдгор Саъдиев, шунингдек, Ўзбекистон ва Қорақалпоғистон Халқ артисти Муҳаммадали Абдуқундузов, Ўзбекистонда хизмат кўрсатган артист Қаҳрамон Абдураҳимов
Ролларда:
Ориф-Ўзбекистонда хизмат кўрсатган артист Фатхулла Масудов, актёрлар Толиб Мўминов, Даврон Каримов
Азиза- Ўзбекистонда хизмат кўрсатган артист Лола Элтоева, актрисалар Моҳира Нурматова, Дилноза Кубаева
Озода-Нигина Анарбоева, Шаҳло Темирова, Гулнора ДЖуманазарова
Рисолат-Ўзбекистон Халқ артистлари Рихси Иброҳимова, Малика Иброҳимова
Ойша- Ўзбекистонда хизмат кўрсатган артистлар Зуҳра Ашурова, Муяссар Бердиқулова, актриса Феруза Бобоёрова
Карим- Ўзбекистонда хизмат кўрсатган артистлар Абдураим Абдуваҳобов, Меҳриддин Раҳматов, актёр Ўткир Менглиев
Наим Санжаров- Ўзбекистон ва Қорақалпоғистон Халқ артисти Муҳаммадали Абдуқундузов, Ўзбекистонда хизмат кўрсатган артист Марат Азимов, актёр Ҳамид Тошпўлатов
Сиддиқжон Нуриев-актёрлар Феруз Бурҳонов, Ҳамза Ҳасанов, Бахтиёр Юсупов
Спектакль Ўзбек Миллий Академик Драма театрида муваффақият билан намойиш қилинмоқда.
Саида Вахобова
Феруза Фаттохова
Фотолар Камола
Барча фотолар Facebook тармоғида Саида Вахобова ва инстаграм тармоғида Ruslan_admin_Fattohhoncom профилида!
