FATTOHHON.COM
« Все новости 
21 сентябрь куни «Ўзбеккино» Миллий агентлиги бош директори Фурқат Зокиров Туркия Элчихонасининг маданият ва туризм масалалари бўйича маслаҳатчиси жаноб Жесим Челебини қабул қилди.
Учрашувда Ўзбекистон ва Туркия Республикалари ўртасида турли йўналишлардаги ҳамкорлик ришталари мустаҳкамланиб бораётгани қайд этилди.
Хусусан, жаноб Жесим Челеби икки томонлама маданий алоқалар, хусусан кино соҳасидаги ҳамкорлик, биргаликда қўшма лойиҳаларни ишлаб чиқиш ва ҳаётга тадбиқ этишда фаол иштирок этиш унга ҳузур бағишлашини мамнуният билан таъкидлади.
Жумладан, Туркиялик меҳмон шу йилнинг ноябрь ойида Тошкент шаҳрида Ўзбек-Турк кинофестивалини ташкил этиш, тадбирга Туркиялик киноусталарни таклиф этишни илгари сурди.
Ўз навбатида “Ўзбеккино” Миллий агентилиги бош директори Фурқат Зокиров агентлик ҳозирда шу каби кўплаб таклифларни ўрганиб чиқаётганини ва бу борада ҳамкорлик қилишга тайёр эканлигини таъкидлади.
Учрашувда шунингдек, ўзаро маданий алоқаларга оид бошқа масалалар ҳам муҳокама этилди.