FATTOHHON.COM
« Все новости 
Ўзбекистон Республикаси Президентининг 2017 йил 28 мартдаги 4882 Ф сонли фармойишига мувофиқ жорий йилнинг 12-16 ноябрь кунлари Туркманистонда “Ўзбекистон маданияти кунлари” ўтказилиши режалаштирилган бўлиб, 12 ноябрь куни 57 кишидан иборат делегация, бир гуруҳ Ўзбекистонлик санъаткорлар Туркманистонга йўл олишди.
Жумладан, Маданият вазирининг биринчи ўринбосари Ўзбекистон ва Қорақалпоғистон Халқ артисти Озодбек Назарбеков, Ўзбекистон Халқ артисти Зулайҳо Бойхонова, Ўзбекистонда хизмат кўрсатган артистлар Сардор Раҳимхон, Юлдуз Турдиева, Зиёда ва бошқалар...
Санъаткорлар Туркманистонга сафар олдидан Хоразмда, марҳум Устоз санъаткор Комилжон Отаниёзовнинг уй музейида бўлиб, унинг қабрини зиёрат ҳам қилишди.
Шунингдек, Хивадаги Ичан Қалъа ва Ўзбекистон Республикаси Маданият вазирлигига қарашли Нуруллабой ёдгорлик мажмуаси, ҳамда яна бир қанча тарихий қадамжоларни зиёрат қилишди.
Сўнг, делегация аъзолари Туркманистонга жўнаб кетишди.
Туркманистондаги “Ўзбекистон маданияти кунлари” доирасида ўзбек санъат усталари иштирокида концерт, фотокўргазма, ижодкор ва ёзувчилар билан учрашувлар ташкиллаштирилиши кўзда тутилган.