FATTOHHON.COM
« Все новости
Тинч, фаровон юртимизга қувончли ва бахтли кунлар ярашади!
Хонанда Машҳурбек 16 ноябрь куни синглиси Моҳинурни турмушга бериб,
Андижондаги “Ўзбекистон” ресторанида бу қувончли кунни нишонлади.
Тўйда хонанданинг қариндошлари, яқинлари, қадрдонлару дўстлари меҳмон бўлишди.
Куёв ва келин
санъаткор Отабек Муҳаммад Зоҳид куйлаган қўшиқ садолари остида тўйхонага кириб келишди.
Тантанани таниқли телебошловчи Аҳрор Қўшматов олиб борди.
Тўйда кўплаб хонандалар, актёрлар, сўз усталари меҳмон бўлиб, куёв ва келинга ўзларининг самимий тилакларини билдиришди.
Тўйга таклиф қилинган яна бошқа санъаткорлар Туркманистонда сафарда бўлганликлари учун иштирок эта олмадилар.
Тантана якунида Машҳурбекнинг Волидаи Муҳтарамаси ҳам сўзга чиқиб, кўнглидаги самимий тилакларини билдирди.
Тўй давомида миллий анъаналаримиздан бўлган “Келин салом” амалга оширилди.
Тўйхонада барча ёшу кекса, куёв ва келинга бахту саодат тилашди!
Тўй якунида Машҳурбек синглиси Моҳинурга атаб қўшиқ куйлади.
Бу қўшиқ тўйхонада ҳамманинг қувонч ёшларига сабаб бўлди!
Турли “янгича урф-одатлар”дан ҳоли бўлган шодиёна жуда чиройли, файзли ўтди.
Биз ҳам Машҳурбекнинг синглиси Моҳинурга бахт тилаб, Нодирбек билан қўша қариб, ҳамиша энг бахтли оилалардан бўлиб, шириндан ширин фарзандларнинг ота-онаси бўлишларига, ҳамда бир умр бахтли, фаровон ҳаёт кечиришларига тилакдошмиз!
Бахт кошонасига қўйган қадамларингиз қутлуғ бўлсин!
Фотолар учун Ёдгорбек Юксалга
миннатдорчилик билдирамиз
