FATTOHHON.COM
« Все новости 
24 ноябрь куни Ўзбекистон Республикаси Маданият вазири Бахтиёр Сайфуллаев ва Ўзбекистондаги Грузия элчихонасининг элчиси Константин Жгенти билан расмий учрашув бўлиб ўтди.
Учрашувда 2017 йилнинг 23-28 май кунлари Ўзбекистон Республикасида Грузия маданияти кунлари ўтказилганлиги, маданият кунлари доирасида, Грузия киноси кунлари, машҳур грузин рассоми Никко Пиросман асарлари кўргазмаси, «Hyatt Regency Tashkent» меҳмонхонасида «Уличные музыканты» мусиқа гуруҳи концертлари намойишлари, 25-30 август кунлари Самарқанд шаҳрида ўтказилган “Шарқ тароналари” XI халқаро мусиқа фестивали доирасида ўтказилган илмий-амалий конференцияда мусиқашунос Зузунадзе Байя ҳамда фестивалнинг тантанали очилиш маросимида «Эрисиони» Грузия давлат халқ қўшиқлари ва рақслари академик ансамбли иштирок этганликлари тўғрисида, давлатлар ўртасида дўстона алоқаларни янада ўзаро боғлиқлигини эътироф этишди.
Ўзбекистон Республикаси Бош вазирининг 2017 йил 6 июлдаги 12/1-1562-сонли топшириғи (Йўл харитаси)га мувофиқ, Ўзбекистон ва Грузия вакилларини икки давлат ҳудудида ўтказиладиган турли кўргазмаларда иштирокини таъминлаш ҳамда маданий тадбирларни ташкил этиш масалалари топширилган.
Жорий йилнинг декабрь ойида элчи Константин Жгенти «Уличные музыканты» мусиқа гуруҳи Олмалиқ шаҳрида ва “Истиқлол” санъат саройида концерт томошаси ташкил этиш ҳамда 2018 йил Ўзбекистон маданият кунларини Грузияда ўтказиш таклифини берди.
Маданият вазири Бахтиёр Сайфуллаев бундай таклифларга ўз миннатдорчилигини билдириб, келгусида ҳамкорлик алоқаларини янада ривожланишига алоҳида ишонч билдирди.
