FATTOHHON.COM
« Все новости 
Бугун Ўзбек Миллий академик драма театрига Самарқанд вилояти мусиқали драма театри гастроль сафари уюштирди. Спектаклга ташриф буюрган меҳмонларни театрнинг фахрий актёрлари ва Ўзбек Миллий академик драма театри директори Фатхулла Маъсудов кутиб олишди.
Спектакль олдидан гастроль сафарининг очилиши бўлиб ўтди. Унда Ўзбек Миллий академик драма театри директори Фатхулла Маъсудов, Самарқанд вилояти мусиқали драма театри директори Баҳодир Шарофов ва Ўзбекистон ва Қорақолпоғистон ҳалқ артисти Ёдгор Саъдиевлар сўзга чиқдилар.
Иззат Султоннинг “ИЙМОН” спектакли саҳналаштирувчи режиссёри Ўзбекистон ва Қорақолпоғистон ҳалқ артисти Ёдгор Саъдиев. Саҳналаштирувчи рассом Баҳром Сафоев. Театр директори ва Бадиий раҳбар Баҳодир Шарофов.
Спектаклда асосий ролларни Ўзбекистонда хизмат кўрсатган артистлар Бахтиёр Раҳимов,Темур Пардаев, Меҳри Хакимова, шунингдек, Сарвиноз Саитова, Ҳаёт Ҳамидов, Мурод Носиров, Лобар Турсунова, Шоҳсанам Рахимова, Турдимурод Худойбердиевлар ижро этишди.