FATTOHHON.COM
« Все новости 
Ўзбекистон Республикаси “Қишлоқ хўжалиги ходимлари куни”ни белгилаш тўғрисида Қонунчилик палатаси томонидан 2017 йил 1 августда қабул қилинган, Сенат томонидан 2017 йил 24 августда маъқулланган қонунга кўра, декабрь ойининг иккинчи якшанбаси Ўзбекистон Республикаси “Қишлоқ хўжалиги ходимлари куни” этиб белгиланди. Айни пайтда қишлоқ хўжалиги ходимлари бу кунни катта шодиёна билан нишонлашмоқда. Ушбу муносабат билан Тошкент шаҳрига республиканинг барча вилоятларидан бир ярим минг нафарга яқин ташриф буюрган қишлоқ хўжалиги ходимлари Маданият вазирлиги матбуот хизмати маълумотига кўра, бугун Темурийлар тарихи давлат музейи, Ўзбекистон амалий санъат музейи ҳамда, Ўзбекистон давлат санъат музейларига ташриф буюришди.
Ташриф давомида меҳмонлар ўзларини қизиқтирган саволларига музей ходимлари томонидан батафсил жавоблар олишди.
Ташриф буюрган Қишлоқ хўжалиги ходимларининг барчаси Давлатимиз раҳбари ва Маданият вазирлиги томонидан ташкиллаштирилган бу эътибордан мамнун эканлигини, келгусида бор куч-ғайратлари билан юртимиз равнақи учун хизмат қилишини таъкидлашди. Қишлоқ хўжалиги ходимларини бугунги қўшалоқ байрам билан муборакбод этамиз!