FATTOHHON.COM
« Все новости
Ўзбекистон миллий Паралимпия ассоциацияси томонидан, Октябрь ойида Кореяда бўлиб ўтадиган Паралимпия бўйича Ёзги Осиё ўйинлари олдидан, спортчиларни маънавий тарафлама қўллаб-қувватлаш мақсадида, “Ўзбекнаво” эстрада бирлашмаси билан ҳамкорликда, хонандалар, кино актёрлар, актрисалар ва паралимпиячилар ўртасида стол тенниси бўйича турнир ташкил этилди.
Стол тенниси бўйича беллашувларда хонандалар Лола, Достон Убайдуллаев, Самандар Ҳамроқулов, “Элдидо” гуруҳи, Омадбек Аҳмаджонов, Умар Шамсиев, актёрлар Толиб Мўминов, Санжар Шодиев, Ҳусан Жўраев, Ёқуб Аҳмедов, актрисалар Зарина Низомиддинова, Севара Солиева, Замира Бешимова, Ёрқиной Ғозиева, Саида Саидбекова, клипмейкер Наримон Султонхўжаев ва бошқалар этишиб, паралимпиячилар билан стол тенниси борасида беллашдилар.
Турнирнинг асосий мақсади, мамлакатимизда паралимпия ҳаракатини ривожлантиришдан иборатдир.
Турнир ғолиблари эсдалик совғалар, дипломлар билан тақдирландилар.
Биринчи ўрин актёр Толиб Мўминовга,
Иккинчи ўрин хонанда Омадбек Аҳмаджоновга,
Учинчи ўрин эса, Енгил атлетика бўйича мураббий Сардор Абдуҳолиқовга насиб этди.
Турнир сўнгида хонандаларнинг шўх қўшиқларидан иборат концерт дастури, даврани янада жонлантирди, барча рақсга тушди.
Турнир кўтаринки руҳда ўтди.
