FATTOHHON.COM

Ўзбекистон Республикаси Президенти Ш.М.Мирзиёевнинг 2017 йил 20 июндаги “Ўзбекистон Республикаси Конституцияси қабул қилинганининг йигирма беш йиллигини нишонлашга тайёргарлик кўриш ва уни ўтказиш чора-тадбирлари тўғрисида” ги фармойишига асосан, Бош Қомусимизнинг бағрикенглик тамойилларидан келиб чиқиб, театр ижодкорлари иштирокида турли маънавий-маърифий, хайрия тадбирлари ташкил этилмоқда. Мадания вазирлиги Матбуот хизматининг маълумотига кўра, шундай тадбирлардан бири пойтахтимизнинг Олмазор туманидаги Уруш ва меҳнат фахрийлари учун Республика пансионатида бўлиб ўтди.

Тадбирда Ўзбекистон давлат Сатира театри актёрлари иштирок этиб, ўзларининг ранг-баранг дастурлари билан йиғилганларни хушнуд этишди. Жумладан, Лола Раджабова ва Раъно Мирзаева ижросидаги дилбар қўшиқлар, Ҳувайдо Жумаева, Фарҳод Зокиров ва Эркин Жуллиев томонидан тайёрланган кулги композициялари нуронийлар  қалбига қувонч бағишлади.

Бундай тадбирлар Республикамиз бўйлаб давом этмоқда.