FATTOHHON.COM
« Все новости 
Жорий йилнинг 7 январь куни Маданият вазирлиги Матбуот хизмати маълумотига кўра, Жиззах шаҳри Ҳарбий учувчиларни тайёрлаш олий ўқув юртида Ватан ҳимоячилари куни муносабати билан ижодий учрашув бўлиб ўтди.
Учрашувда Ўзбек Миллий академик драма театри раҳбари Ўзбекистонда хизмат кўрсатган артист Фатхулла Масудов, ҳамда
Ўзбекистонда хизмат кўрсатган артист Абдураим Абдувахобов, актриса Дилноза Кубаева
ва Ўзбекистон Бадиий академияси раҳбари, Ўзбекистон халқ рассоми Акмал Нур иштирок этишди. Ижодий учрашувда Давлатимиз раҳбари томонидан яратилаётган ёшлар учун шарт-шароитлар ва улардан унумли фойдаланган ҳолда, билим ва тажрибани масъулият билан эгаллаш, фидоийлик, Ватанимиз учун қалқон бўлиш, ҳамда бошқа масалалар юзасидан маърузалар бўлиб ўтди.
Ижодий учрашув самимий, қизиқарли ва кўтаринки руҳда бўлиб, Ватанимиз ва халқимизга хизмат қилиш туйғуси, ҳамиша ҳар бир инсоннинг қалбида бўлиши кераклиги ҳақидаги фикрлар, илгари сурилди. Ўзбекистон Республикаси Маданият Вазирининг табриги ҳам, ижодкорлар томонидан етказилди.