FATTOHHON.COM

Маданият вазирлиги Матбуот хизмати маълумотига кўра, Наманган муҳандислик-қурилиш институтида Ўзбекистон Республикаси Қуролли Кучлари ташкил топганлигининг 26 йиллиги ва Ватан ҳимоячилари куни муносабати билан “Менинг дўстим – Ватан ҳимоячиси” шиори остида видеоконференция ўтказилди.

Наманган вилояти ҳокимлиги томонидан Вилоят Мудофаа ишлари бошқармаси, Ўзбекистон ёшлар иттифоқи вилоят кенгаши ва бошқа қатор ташкилотлар ҳамкорлигида ташкил этилган видеомулоқотга Наманган ва Хоразм вилоятларида йигитлик бурчини ўтаётган аскарлар ҳамда уларнинг ота-оналари, дўстлари, оммавий ахборот воситалари вакиллари таклиф этилди.

Тадбирда Наманган санъат коллежининг раққоса қизлар гуруҳи, “Ниҳол” мукофоти совриндори Шавкат Эргашев, хонандалар Абдуқаҳҳор Нишонов, Умиджон Қорабоев, Сохибжон Тожибоев, Умид Бобохонов, Умид Мирмихсинов, Қобил Неъматовлар иштирокида концерт дастури намойиш этилди.