FATTOHHON.COM

ҲАРБИЙ БЎЛИШ ФАХР, ҒУРУР ВА ИФТИХОР! ВАТАН ҲИМОЯЧИЛАРИ КУНИГА БАҒИШЛАБ ЎТКАЗИЛГАН КОНЦЕРТДАН! 17.01.2018 00:20

Ҳаммамизга маълумки, юртимизнинг энг асосий бойлиги, бу тинчлик ва барқарорликдир. Бу бебаҳо бойликни асраб-авайлаш, мустақил юртимизнинг хавфсизлигини таъминлашда Ватанимиз ҳимоячиси бўлган Миллий армиямизнинг ўрни беқиёсдир.

14 январь куни Ватанимиз тинчлиги учун камарбаста бўлган Ватанимиз ҳимоячилари кунига бағишлаб, “Истиқлол” санъат саройида катта гала-концерт дастури бўлиб ўтди.

Маданият вазирлиги, Қуролли кучлар академияси ва Мудофаа вазирлиги ҳамкорлигида ташкил этилган бу концерт дастури, ҳарбий қасамёд қабул қилиш маросими намойиши билан бошланди.

Юқори руҳиятда бўлиб ўтган концертда Ўзбекистон ва Қорақалпоғистон Халқ артисти Озодбек Назарбеков,

Ўзбекистон Халқ артисти “Алишер Навоий” номидаги Давлат мукофоти соҳиби, устоз санъаткор Шерали Жўраев,

Ўзбекистон Халқ артистлари Зулайҳо Бойхонова, Гулсанам Мамазоитова,

Ўзбекистонда хизмат кўрсатган артистлар Улуғбек Раҳматуллаев, Тоҳир Содиқов,

Райҳон,

Абдурашид Йўлдошев,

Яҳёбек Мўминов, Тўлқин Жабборов,

устазода Шоҳ Жаҳон Жўраев, Зоҳиршоҳ Жўраев,

хонандалар Шахзода,

Муниса Ризаева,

Шохруххон,

“Божалар” гуруҳи Жаҳонгир Позилжонов ва бошқалар иштирок этишди.

Устоз санъаткор Шерали Жўраевнинг ўғиллари Шоҳ Жаҳон ва Зоҳиршоҳ билан биргаликда куйлаган “Йигит омон бўлса”,

Озодбек Назарбеков ва Гулсанам Мамазоитова ижросидаги “Ватан посбонлари” дуэти,

ҳамда концерт якунида Озодбек Назарбековни ҳарбий кийимда Ватанимиз ҳимоячилари учун куйлаган тарихий қаҳрамон Жалолиддин Мангуберди ҳақидаги “Мендирман” қўшиғи айниқса, томошабин Ватан ҳимоячиларини руҳлантириб юборди. “Мендирман” қўшиғидан руҳланган ҳарбийларимиз қўшиқ янграганида ўрниларидан туриб олқишлашди!

Ҳарбий бўлиш фахр, ғурур ва ифтихордир! Концертдаги ҳар бир томошабиннинг нигоҳидан буни англаш мумкин эди. Оиласи билан, волидаи муҳтарамалари билан концертга ташриф буюрган ҳарбийларимизни яқинларининг кўзларидан ҳам, фахр ва ифтихор, қувонч туйғулари сезилиб турарди. Ватан ҳимоячилари кунига бағишлаб ўтказилган бу катта гала-концерт дастури, барча томошабинларда бирдек юқори таассурот қолдирди.