FATTOHHON.COM
« Все новости 
Ўзбекистон Давлат Консерваториясида Республикамизнинг барча ҳудудлари қаторида Шайхонтоҳур тумани ҳокимлиги ҳамда Ўзбекистон давлат консерваторияси ҳамкорлигида Ислом Абдуғаниевич Каримов таваллудининг 80 йиллигини кенг нишонланди.
Маданият вазирлиги Матбуот хизмати маълумотига кўра, тадбирни Ўзбекистон Давлат Консерваторияси Ўқув ишлари бўйича биринчи проректор Аваз Мақсудович Мансуров ва Шайхонтоҳур туман хокими ўринбосари Комилжон Қобилович Зоҳиров сўзга чиқиб, очиб беришди.
Шундан сўнг, Тарих фанлари доктори, профессор – Абдуҳалил Маврупов, Ўзбекистон Республикаси санъат арбоби, “Сўғдиёна” оркестри бадиий раҳбари, профессор Феруза Абдураҳимова, Ўзбекистон халқ артисти – Муяссар Раззоқова, Ўзбекистон Республикаси Президент девони маъсул ходими Минҳожиддин Мирзажонович Ҳожиматов, ГЛИEР номидаги ихтисослашган маҳсус мусиқа Академик лицейи директори, Ўзбекистон Республикасида хизмат кўрсатган Ёшлар мураббийси Бахром Тўхтаев ва Ўзбекистон Халқ артисти Муножот Йўлчиева сўзга чиқиб, Ўзбекистон Республикасининг Биринчи Президенти, Буюк Давлат ва сиёсат Арбоби Ислом Абдуғаниевич Каримовни юртимиз равнақи йўлидаги амалга оширган эзгу ишларини хотирладилар.
Ўзбекистон Республикаси Биринчи Президенти И.А.Каримовни Ўзбекистон Давлат Консерваториясининг очилишидаги иштироқи жараёнлари акс этган архив видео лавҳаларини барча кўзида ёш билан кўриб, ёд этди.
