FATTOHHON.COM

Ўзбекистон Республикаси Президентининг “Ўзбек миллий мақом санъатини янада ривожлантириш чора-тадбирлари тўғрисида” 2017 йил 17 ноябрдаги ПҚ-3391-сонли ҳамда, шу ҳақида Вилоят ҳокимининг 2017 йил 20 ноябрдаги 791-қ сонли қарорлари ижросини таъминлаш ҳамда, ЮНЕСКО номоддий маданий меросининг репрезентатив рўйхатига киритилган “Шошмақом” элементини халқ орасида тарғиб этиш мақсадида, 2018 йил 1 февраль куни Андижон вилоят Мусиқали драма театри томоша залида “Анъаналар этади давом” деб номланган Мақом кечаси ўтказилди.

Маданият вазирлиги Матбуот хизмати маълумотига кўра, Мақом кечасида устоз-шогирд анъаналарини давом эттириб келаётган Андижон санъат коллежининг "Анъанавий ижрочилик" кафедраси ўқитувчи ва ўқувчилари томонидан мумтоз куй ва қўшиқлар маромига етказиб ижро этилди. Айниқса, хонандалар гуруҳи томонидан ижро этилган Бузрук мақомидан “Талқинчаи мўғилчаи бузрук”, Бобур ғазали билан “Соқиномаи мустаҳзоди наво” ҳамда, Рост мақомидан “Савти калон: қашқарчаси, соқийномаси, уфори”, “Ниҳол” мукофоти совриндори Гулмира Абдулаҳатова ижросидаги Навоий ғазали билан “Ушшоқ”, Ёш мақом ижрочиларининг Республика танлови ғолиби хонанда Зулхумор Халилова ижросидаги Навоий ғазали билан “Эй сабо”, Республика мақомчилар танлови ғолиби Саидакмал Нўмонов ижросидаги Навоий ғазали билан “Сабо этсанг” ашулалари томошабинлар олқишларига сазовор бўлди.

Кеча сўнгида томошабинлар томонидан концерт ижодкорлари, концертни ташкиллаштирган Андижон санъат коллежи Директорининг ўқув ишлари бўйича ўринбосари Фурқатбек Қосимов, анъанавий ижрочилик кафедраси мудири Тохиржон Мақсудов ва бадиий раҳбар Бобуржон Йўлдошевларга миннатдорчилик билдирилди.