FATTOHHON.COM

Маданият вазирлиги Матбуот хизмати маълумотига кўра, Маданият вазири Бахтиёр Сайфуллаев Қашқадарё вилояти Миришкор туманининг Маданият ва аҳоли дам олиш марказига ташриф буюрди.

Вазир математика фани бўйича ташкил этилган дарсдан ташқари тўгаракка ташриф буюриб, ўқувчилар билан фан доирасида савол-жавоблар ўтказди. Уларнинг фанни самарали ўзлаштириши учун тавсиялар, аниқ фанлар бўйича билимларни оширишда санъатнинг аҳамияти каби, мулоҳазали фикрлар билдирди. Бундан ташқари, жадал фаолият олиб бораётган тикиш-бичиш, рақс, доира ва рассомчилик тўгаракларида ҳам, болалар учун яратилган шароитлар билан яқиндан танишиб, уларнинг ҳам фаолият самарасини янада ошириш, имкониятларни кенгайтириш борасида керакли маслаҳатлар ва тегишли тавсиялар берди.

Вазир Маданият ва аҳоли дам олиш марказларининг халқимиз ҳаётида сифатли меҳнат ва ижод маҳсулларини яратишдаги аҳамияти ҳақида ўз мулоҳазаларини билдириб, келгусида бажарилиши зарур бўлган муҳим вазифалар юзасидан кўрсатма ва топшириқлар ҳам берди.