FATTOHHON.COM
« Все новости
Маданият вазирлиги Матбуот хизмати маълумотига кўра, Маданият вазири Бахтиёр Сайфуллаев Қашқадарё вилоятининг Шаҳрисабз шаҳридаги 2-сонли болалар мусиқа ва санъат мактабидаги ташриф чоғида, унинг истеъдодли ёшлар билан учрашуви ҳам бўлиб ўтди.
Вазир мусиқа ва санъат мактабида таҳсил олаётган ҳар бир ўқувчи билан мактабдаги яратилган шароитлардан унумли фойдаланилаётганликлари ҳамда, қандай камчиликлар мавжудлиги юзасидан савол жавоблар ўтказди.
Мазкур шаҳардаги 20-сонли болалар мусиқа ва санъат мактабидаги ташрифида эса, Вазир ўқувчилар учун яратилган шарт-шароитлар билан яқиндан танишди. Мусиқа ва санъат мактабининг хоналарини кўздан кечириб, тегишли тавсия ва топшириқлар берди.
Шу билан бирга, Ғузор тумани 4-сон Қамаши тумани 6-сон, Чироқчи тумани 15-сон ҳамда, Миришкор тумани 21-сон болалар мусиқа ва санъат мактаблари фаолиятини ҳам яқиндан ўрганиб чиқди.
