FATTOHHON.COM

«ШОВВОЗЛАР ШОУ»СИ ҚАНДАЙ ЎТДИ? 12.10.2014 12:58

“Шоввозлар” гуруҳи 10, 11 октябрь кунлари “Истиқлол” санъат саройида ўзларининг шоу концертини томошабинларга тақдим этишди.

Концертни Олимжон Худойназаров олиб борди.

Гуруҳ концертни томошабинлар билан анъанавий, ноодатий саломлашишдан бошлашди.

Ҳаётда инсонлардаги одат ва характерларни ҳажв остига олиб ўтишди.

Концерт давомида гуруҳ аъзолари томонидан саҳна кўринишлари, ҳажвий номерлар кетма-кетлиги бошланди.

“Туғруқхонадаги ҳолат”, “Супермаркетда”,

“Учрашув”,

“Ишкал”,

“Дискотека”,

“Клиплар “хит”лиги”,

““Мафтунингман” фильми янги талқинда:

“Бозорда”,

“Эр-хотин шоирлар”,

“Спортчилар оиласи”, “Дорбозлар оиласи””, “Бахши ва эстрада хонандалари беллашуви”,

“Ўзбек хонандалари ҳинд қўшиқлари мусиқасига қўшиқ” ва бошқалар.

Ҳажвий номерлар орасида гуруҳ аъзоси Умарбек Раҳмонқуловнинг “қора мушук” ҳақида гаплари, томошабинлар олқишига сабаб бўлди!

Натижада, Умарбек Раҳмонқуловнинг ҳар чиқишида томошабинлар “қора мушук”нинг янги қиладиган ишларини сўрай бошлашди.))))

“Уммон” гуруҳи,

хонанда Анвар Собиров,

ҳамда “Божалар” Жаҳонгир Позилжонов концерт меҳмони бўлиб, ўз қўшиқлари билан томошабинларнинг кайфиятини янада кўтаришди.

Шунингдек, концертда бир неча ёш хонандалар ҳам иштирок этишди.

Концертни “Божалар” Жаҳонгир Позилжонов кўтаринки руҳдаги “Ватаним” қўшиғи билан якунлади.

Жаҳонгир Позилжоновнинг “Тинчлигимизга кўз тегмасин! Юртимиз тинч бўлсин!” сўзларига ҳамма жўр бўлди!

Концерт давомида “Клиплар “хит”лиги”, “Бахши ва эстрада хонандалари беллашуви”, “Ўзбек хонандалари ҳинд қўшиқлари мусиқасига қўшиқ куйлаганда” номерлари янгилик бўлди, назаримизда.

“Клиплар “хит”лиги” да, “Сарбон” гуруҳи, Манзура, Сардор Раҳимхон, Асилбек Неъматов, Козим Қаюмов, Лола, ҳамда “Уммон” гуруҳи клипларига пародиялар тақдим қилиниб, уларни суратга олган “клипмейкер” қандай суратга олганлигини ҳазиломуз “таърифлаб” берди.

““Мафтунингман” фильми янги талқинда” номерининг қисмлари бўлган “Дорбозлар оиласи” ва “Спортчилар оиласи” чиқишлари ҳам ўзгача бўлди.

Лекин, концерт дастурига яхшилаб тайёргарлик кўрилган бўлса ҳам, саҳнада барибир гуруҳ аъзоларининг ҳаяжонлари сезилгандек бўлди.

Аммо, муҳими, “Шоввозлар” бу синовдан ҳам яхши ўтиб олишди!

Томошабин меҳмонлар сифатида келган “Миллион” жамоаси ва “Сomedy Uz” резидентлари ҳам “Шоввозлар”ни қўллаб-қувватлашди.

Шунингдек, концертда "Аъло FM" Радиосидан Олимхўжа Азимов, "Божалар" гуруҳи хонандаси марҳум Мўмин Ориповнинг рафиқаси Камола Орипова ва ўғли Билолхўжа, ҳамда шоу бизнеснинг яна бошқа вакиллари меҳмон бўлишди.