FATTOHHON.COM

ШАХЗОДАНИНГ ЎҒЛИ ХОЛИДНИНГ ТУҒИЛГАН КУНИДАН! ДЎСТЛАР ВА ЯҚИНЛАР ДАВРАСИДА! 13.10.2014 18:30

11 октябрь куни хонанда Шахзоданинг ўғли Холид бир ёшга тўлди!13 октябрь куни эса, “Яккасарой” ресторанида Шахзода умр йўлдоши билан биргаликда, яқинлар ва дўстлари даврасида ўғли Холиднинг туғилган кунини нишонлашди! Албатта, Шахзоданинг қувончи чексиз бўлди, у барча меҳмонларни ўзи самимий кутиб олди.

Бу кечада Шахзода ва турмуш ўртоғининг шоу бизнес оламидаги кўплаб дўстлари меҳмон бўлишди. Жумладан, Ўзбекистон ва Қорақалпоғистон Халқ артисти Озодбек Назарбеков,

Ўзбекистон Халқ артисти Фаррух Зокиров (“Ялла” гуруҳи),

Ўзбекистон Халқ артисти Зулайҳо Бойхонова,

ўзбек примадоннаси Юлдуз Усмонова,

хонандалар Нилуфар Усмонова,

Ўзбекистонда хизмат кўрсатган артист Рашид Холиқов (“Шахзод” гуруҳи),

“Ниҳол” мукофоти совриндорлари Улуғбек Раҳматуллаев,

Манзура,

“Ниҳол” мукофоти совриндорлари Дилсўз, Умидахон,

хонандалар “Божалар” Жаҳонгир Позилжонов,

Сарвар ва Комил (“Беном” гуруҳи),

Шохруххон,

Динейра, Жасур Ғойипов,

“Давр” гуруҳи,

“Сетора” гуруҳи,

“Тарона” студияси директори Даврон Муқимов,

актрисалар Райҳон Уласенова,

Ҳалима Иброҳимова,

Шахзода Матчонова,

актёр Шуҳрат Нуралиев,

бастакор ва шоир Якзон,

дизайнер Дилдора Қосимова ва бошқалар.

Кечани тележурналист Нилуфар Сотиболдиева ва Фарҳод Алимовлар олиб боришди.

Кеча сабабчисини меҳмонларга таништиришдан олдин, Нилуфар Сотиболдиеванинг жажжи қизчаси Шахзоданинг эътиборида бўлди. Шубҳасиз, Шахзодага қиз фарзанд ҳам жуда ярашар экан! Кеча бошланиб, меҳмонларнинг барчаси йиғилгач, кеча сабабчиси, туғилган кун эгаси жажжи Холидни ота-онаси залга олиб кириб, меҳмонларга таништириб чиқишди.

Шубҳасиз, ҳамма меҳмонларнинг нигоҳи ва эътибори Холидда бўлди! Ҳамма уни самимий табриклаб, эзгу тилаклар билдиришди.

Кеча меҳмонларидан “Давр” гуруҳи, Ўзбекистон Халқ артисти Фаррух Зокиров (“Ялла” гуруҳи), Умидахон, “Ниҳол” мукофоти совриндорлари Улуғбек Раҳматуллаев, Манзура, Ўзбекистонда хизмат кўрсатган артист Рашид Холиқов (“Шахзод” гуруҳи), Шохруххон, ўзбек примадоннаси Юлдуз Усмонова, “Божалар” Жаҳонгир Позилжонов, Ўзбекистон Халқ артисти Зулайҳо Бойхоновалар ўз қўшиқлари билан кечага янада файз киритдилар.

Кеча давомида ҳеч кимнинг қўл телефони қўлидан тушгани йўқ, ҳисоби))))

Шахзоданинг катта ўғли Солиҳ ҳам, укасини суратга олди.

Кеча давомидаги энг оммабоп нарса бу селфи бўлди!))))

Рақсга тушишда Нилуфар Усмонова пешқадам бўлди ва ўзининг самимийлиги, қувноқлиги билан ҳамманинг кайфиятини янада юқори кўтарди.

Улуғбек Раҳматуллаев ва Манзура биргаликдаги дуэтига

ҳамма “поезд” бўлиб рақсга тушишди!

Рашид Холиқовнинг сокин қўшиғига Шахзода умр йўлдоши билан бирга сокин рақсга тушишди.

Бу кеча самимий дўстларнинг байрам кечаси бўлди, десак янглишмаймиз.

Барча рақсга тушиб, кеча юқори кайфиятда файзли ўтди!

Биз ҳам кеча давомида Шахзода ва умр йўлдошига, ҳамда кенжа ўғли Холидга билдирилган барча самимий тилакларга қўшилган ҳолда, Холидга узоқ умр, омад, келажакда катта йигит бўлиб, ота-онасига муносиб фарзанд бўлишини, ота-онаси камолини, бахтини ва роҳатини кўришини тилаймиз!

Шахзода ва оила аъзоларига янада чексиз муваффақиятлар ҳамроҳ бўлсин! Хонадонида ҳамиша файзу барака, хурсандчилик бўлсин! Умр йўлдоши билан доимо энг бахтли оилалардан бўлиб, тинч-фаровон ҳаёт кечиришларига тилакдошмиз!

Саида Вахобова

Феруза Фаттохова