FATTOHHON.COM
« Все новостиКўплаб талаблар ва таклифларга биноан, сайтимизда гўзаллик, соч турмаклари ҳақида, махсус рукн ташкил этилган. Ўзингизни гўзаллик ва соч турмаклари борасида саволларингизга, сайтимиз орқали Стилист Бекзоджон (Бек Абду)дан жавоб олишингиз мумкин!
Йиғилган саволларга Стилист Бекзоджон (Бек Абду)нинг жавоблари:
—Мижозлар томонидан талаб энг кўп бўлаётган соч турмаклари ва соч ранглари қайсилар бўлмоқда?
—Сочни кесишдан бошласак, ҳозир кўпчилик сочини калтароқ кестиришмоқда. Бизни иқлим иссиқроқ бўлгани учун, қулайлик исташадими, билмадим. Лекин, дунё стандартларида ҳам кўпроқ калталатиш “шлифовальная стрижка”, яъни, машинкада қилинадиган, “аниқ чизиқли” стрижкалар урфга кирган. Кўп сўралаётган соч турмаги шулар. Рангга келсак, “омбре”, “сомбре”, “шатуш” кўпроқ урфда. “Омбре”ни ўз технологияси бор, 2 та бўёқда амалга оширилади. “Шатуш”, бу ўзингизни сочингиз сарғишроқ рангда бўлса, ундан билинтирмасдан ёрқин ранг ҳосил қилинади. Бунда ҳеч қандай узилиш бўлмаслиги керак. Сочи сийрак аёлларимиз 3D эффект қўланади. Бу сочни ҳажмлироқ қилиб кўрсатишга хизмат қилади. У ҳам ранглар уйғунлигининг бир тури. “Шатуш” бир неча ранг бўёқда амалга оширилади, 7 қатордан 10 тагача, қатор кетма-кетлигига қараб чиқарилади. Бу бир оз мураккаб жараён. Ранглар жиҳатидан ҳозир табиий рангларга “блик” яъни, соч тагига ёрқин ранг кўпроқ бериш урфга кирган. Айниқса, сочини каре услубида кестирганлар остки қисмини ёрқинроқ рангга бўяшмоқда.
—Сочни кесишда ва турмак танлаганда асосан нималарга аҳамият бериш керак?
—Сочни кесишда аввало юз тузилишига аҳамият бериш керак. Юз ва тана рангига ҳам албатта эътиборга олиниши лозим. Масалан, сочни калта қилиб кестирганда, тана ранги тўқ бўлса, юзни “бўғади”. Чунки, калта қирқилганда асосий соч юзингизда бўлади. Шунинг учун ҳам, соч кестирганда юзнинг, ҳаттоки кўзнинг рангига ҳам қараш керак, деб ўйлайман. Юзи думалоқ тузилишга эга инсонни сочини елкадан қилиб “омбре” қилинганда, унинг ранги тўқроқ қилинса, юзнинг тўлалигини сал камайтиради. Аксинча, ёрқинликни кўпайтирсак, у инсон яна бошқа тарафга ўзгариб, юзини янада думалоқлаштириб қўяди.
—Агар гормонал тарафлама ва стресс ҳолатлари бўлмаса, яна нимадан соч кўп тўкилиши мумкин?
—Кўпроқ иссиқдан ҳам соч тўкилиши мумкин. Бўялган сочлар қуёш нуридан реакцияга киришиб, куйиши мумкин. Косметик воситалардан нотўғри фойдаланиш ҳам, сочни тўкади. Буларга шампунь, соч бўёқлари, сочга сепиладиган лак ҳам, сабаб бўлади. Кундалик шампун сочга мос тушмаса ҳам тўкилиш содир бўлади. Кўпчилик бунга аҳамият бермайди. Бўялган сочлар учун ҳам махсус шампун танлаш керак. Соч бўёққа келсак, ҳозир “аммиаксиз бўёқ” деган нотўғри тушунча бор. Бу нотўғри чунки соч бўёғи реакцияга киришмаса, соч бўялмайди. Унинг рангни сақлаш муддати узоғи 2 ҳафтага етади. Кўп муддатгача турадиган рангни танламоқчи бўлсангиз “аммиаксиз”да бунинг иложи йўқ. Кўпроқ сотиш учун рекламасида “аммиаксиз” дейишади. Тавсиям таркибида 0,03 мг аммиаги бор, энг кичик миқдордагисига бўялса, яхшироқ бўлади. Соч бўёқларини тури кўпайган сари, мижозларнинг сочлари ҳам ёмонлашиб боряпти.
—Уй шароитида соч тўкилишига қарши қандайдир ниқоблар тавсия қила оласизми?
—Уй шароитида ниқоб учун энг яхшиси, бу ўзимизнинг табиий ёғлар! Масалан, бодом ёғи каби табиий ёғлар кўп. Уларга лимон шарбати аралаштириб сочга сурилса, яхши натижа бериши мумкин. Лимон суви аралаштирилишининг сабаби, енгил ювилиши ва ёғ сочни хира қилиб қўймаслиги учун керак. Кўпчилик майонез, дейди. Мен бунга қаршиман! Чунки, таркибида уксус бор маҳсулот қўлланса, соч заифлашади ва сина бошлайди. Сочга ниқоб сифатида қатиқдан ҳам фойдаланишади, лекин қатиқдан кўра, унинг зардоби фойдалироқ. Масалан, 50 мл гр зардобга бодом ёғи, алоэ ёғи ва лимон сувини қўшиб, ниқоб тайёрлаб сочга сурилса, сочнинг учи қуришини, қуёшдан заифлашган сочларга, ҳамда соч тўкилишига яхши фойда беради. Агар соч жуда кўп тўкилаётган бўлса, шу ниқобга гармдори эритмасини қўшиб суртилиб 2 соат ушланса, соч илдизларини мустаҳкамлайди.
—Соч бўёғи танлаганда асосан нималарга аҳамият бериш керак?
—Уй шароитида “Wella” соч бўёқларини сифатли соч бўёқларидан, деб ўйлайман. Шу билан бирга ёрқин рангли соч бўёқларида, унинг оксидлаш фоизи камлигига аҳамият бериш керак.
—Қора рангли сочдан бошқа ранг ҳосил қилиш мураккаб жараён. Бунинг учун албатта, бир неча марта бўяш керакми?
—Чиндан ҳам бу жуда мураккаб. Сабаби, қора сочнинг ҳам ҳар хили бор. Баъзилар 10 йиллаб сочини қора рангга бўяб келган бўлиши мумкин. Бу дегани соч, устма-уст доимий равишда қора ранг билан ёпиб келинган бўлади. Бундай ҳолатда сочни жигаррангга ўтказиш мумкин, лекин соч бир оз калталашади. Лекин, ҳозир жуда ҳам кўп янги воситалар чиқди, масалан, бир неча йиллар давомида бўялган қора рангни ҳам ювадиган воситалар чиққан. Ҳозирда буни иложи бор. Биз Ўзбекистон стилистлари ҳам семинарларда фикр алмашиб, шу нарса устида ишлаяпмиз. Масалан, бизни Германиялик стилистлар тушунишмайди. Чунки, уларда Скандинав структураси, сочлари жуда оч рангларда, жуда ҳам тез соч рангини ўзгартиришлари мумкин. Улар сочларини бугун қорага, эртага бошқа рангга бўяшлари осон. Бизга Италияликларнинг соч структураси яқин ва италияликлар билан ишлаб чиқарилаётган маҳсулотлари асосида, буни амалга оширса бўлади. Стилист сифатида аёлларга жуда тез муддатда сочнинг рангини ўзгартиришни, айниқса қорадан тезроқ бошқа рангли сочга ўтишни умуман тавсия қилмаган бўлардим. Буни фақат босқичма-босқич амалга ошириш керак.
—Баъзиларда соч бўёғи, лакка нисбатан аллергияга мойиллик кузатилади. Шундай мижозлар билан ишлаганда қандай йўл тутасиз?
—Масалан, ҳозир “Kron” косметикада гипоаллергенный лак, шампунь бор. Менда ҳам шундай мижозлар бор, ўз косметикаси билан келишади. Ёки, уларга юқорида айтган косметик воситалардан фойдаланилади. Аллергияси бор инсонларга ҳам, мен шуни тавсия қилган бўлардим. Мисол учун Аргоновый лак. Ҳозир айтсам, кўпчиликка кулгули туюлиши мумкин, аммо олдин “шакарда қотиради” дейишарди. Шунга кўра, “сахарная основа”да лаклар тайёрланган. Бу аллергияси бор инсонларга, ҳеч қандай аллергия бермайди.
—Жингалак сочларни силлиқлаш борасида-чи?
—Ҳозир “кератинли соч текислаш” урф бўлган. Ўзи табиатан сочи жингалаклар тўғри, силлиқ соч қилгиси, сочи силлиқлар эса, сочини жингалак қилгиси келади. Буни мен фақат жуда қалин, эплаш қийин бўлган сочларга тавсия қилган бўлардим.
—Аёлларимиз одатда пардоз буюмлари танлаганда нималарга аҳамият беришлари керак?
—Бу жуда ҳам индивидуал танлов. Ҳар битта инсон, масалан, ўзи ишлатаётган косметика, ишлатмоқчи бўлган косметика, асосан юз ранги, кўз тузилишига қараб танланади. Юз ранги оқ бўлса, пардозда жигаррангроқ ва ёрқинроқ рангларни уйғунлаштириш мумкин. Таркибига келсак, ҳозир синтетика кўпайиб кетган. Мен бизнинг иқлимда синтетикадан фойдаланишни тавсия этмаган бўлардим. Синтетика биринчидан аллергияга олиб келади. Юзнинг “нафас олиш йўллари”ни ҳам “ёпади”. Уни тозалаб турилмаса, кундаликда профессионал гримдан фойдаланилгандек бўлади. Одатда косметика воситаларини сотиб олаётганда, кўпчилик унда ёзилган ёзувларни ўқишмайди. Лекин, таркиби ўқиб чиқилса, нимадан иборатлиги ёзилган. Шунга эътибор билан қараб, сотиб олишларини тавсия қилган бўлардим.
Саида Вахобова тайёрлади