FATTOHHON.COM
« Все новости
Ўзбекистонлик санъаткорларнинг Тожикистон Республикасига ташрифи ҳақида сайтимизда маълумот берган эдик. МАЪЛУМОТГА ЎТИШ!
Жорий йилнинг 9 март куни Тожикистон Республикаси Душанбе шаҳрида Ўзбекистон ва Тожикистон санъат усталари иштирокида катта қўшма концерт бўлиб ўтди.
Мазкур концерт юқори даражада ташкил этилиб унда Ўзбекистон ва Тожикистон Мақом санъати усталари, 6 давлат Халқ артисти Фаррух Зокиров, Ўзбекистон ва Қорақалпоғистон Халқ артисти Озодбек Назарбеков, Ўзбекистон Халқ артистлари Шерали Жўраев, Юлдуз Усмонова, Матлуба Дадабоева, Ғофур Эшчонов, Ғулом Эшчонов, Ўзбекистонда хизмат кўрсатган артист Женисбек Пиязов, “Ниҳол” мукофоти совриндорлари Бунёдбек Саидов, Дилмурод Султонов, Абдулла Ширинов, Ақлбек Пиязов, халқаро танловлар совриндорлари Сардорбек Озодов, Алимбой Каримбоев, Ўзбекистон ва Тожикистон рақс жамоалари иштирок этишди.
Концерт кўтаринки руҳда ўтди. Концерт якунида Тожикистон халқи уларни қутлаб, бундай концерт-томошалар ҳамда, ташрифлар мунтазам ташкил этилишини эътироф этишди. Мазкур концерт Ўзбекистон ва Тожикистон халқлари ўртасидаги маданий яқинлик, дўстлик ва яхши қўшнилик муносабатларининг ёрқин ифодаси бўлди. Халқларимиз дўстлиги абадий бўлсин!
ЎЗБЕК САНЪАТКОРЛАРИНИНГ ТОЖИКИСТОНГА ТАШРИФИ ДАВОМИДАГИ ВИДЕОЛАРДАН!