FATTOHHON.COM

ТЎЙЛАР МУБОРАК! САНЖАРБЕК ВА РУХШОНАХОН! 03.11.2014 17:55

2 ноябрь куни «Турон» ресторанида режиссёр-клипмейкер, актёр Санжар Маткаримов ва хонанда Рухшонанинг бахт тўйи бўлиб ўтди!

Тўйни бошловчи сифатида “Ориат доно” радиосидан журналист Акмал Мирзо ва актриса Шахзода Муҳамедовалар олиб боришди.

Куёвнинг яқин дўстлари, ҳамкасблари Наримон Султонхўжаев, Мансур Васати ҳам унинг ёнида бўлишди.

Тўйда шоубизнеснинг кўплаб вакиллари, хонандалар, актёр, актрисалар, ижодкорлар меҳмон бўлишди.

Жумладан, хонандалар Улуғбек Раҳматуллаев, Достон Убайдуллаев, Мадина Мумтоз умр йўлдоши билан, Ойбек ва Нигора, Отабек Муталхўжаев, “Баён” гуруҳи Маъмур Султонов, Милена Мадмусаева, актрисалар Ҳалима Ибрагимова, Дилноза Кубаева, Севара Солиева, Зарина Низомиддинова, Наргиза Салмонова, Асал Шодиева, Сетора Фармонова, Юлдуз Ражабова, Муқаддас Саъдуллаева, Анжелика Есимбетова, ҳамда Камола Орипова ўғли Билолхўжа билан, актёрлар Йигитали Мамажонов, Адиз Ражабов, Умид Искандаров, Азиз Раметов, Асқар Ҳикматов, режиссёр-клипмейкер Муҳаммадали Искандаров, Жонрид Сагдиев ва бошқалар...

Кўпчилик хонандалар ўз қўшиқлари билан барчани хушнуд қилиб, келин-куёвни самимий табриклашди.

Жумладан, Шахзода,

Ўзбекистон Халқ артисти Гулсанам Мамазоитова,

Ўзбекистонда хизмат кўрсатган артист Райҳон Ғаниева,

Абдували Ражабов,

Жасур Умиров,

Азиз Ражабий,

“Уммон” гуруҳи,

“Беном” гуруҳи,

Нилуфар,

Ботир Яминов,

Тоҳир Усмонов,

Сардор Раҳимхон,

Шоира Отабекова,

Шохруххон,

Дилсўз,

Фаррух Комилов,

Муниса Ризаева,

Машҳурбек,

Шаҳриёр ва бошқалар... Лекин, баъзиларга куйлаш учун ҳаттоки навбат ҳам етмай қолди...

Нилуфарнинг қўшиғига аввалига куёв Санжарбек дўстлари билан бирга рақсга тушишди. Дўстлари Санжарбекни осмонга отишди! Сўнг, келин ва куёв бирга рақсни бироз давом эттиришди!

Тўй давомида келин ва куёвнинг оналари ҳам ўз самимий тилакларини билдириб, ёшларни табриклашди!

Сўнг, келинсалом ҳам амалга оширилди! Рухшона аввал онажонларга, кейин эса, куёвга салом қилди.

Келин дугоналари келишиб олган ҳолда, тўйда бир хил қизил рангли либосларда бўлишди!

Келин ва куёв Фаррух Комиловнинг қўшиғига биргаликда илк оилавий романтик рақсига тушишди!

Анъанавий бўлиб қолган келинчакнинг гул отиш маросими ҳам амалга оширилди!

Биринчи марта гул отилганда, уни бир йигит тутиб олди))))) Ҳамма “ҳисобмас” деб бақириб юборишди!

Шундан сўнг, Акмал Мирзо гулни “гўёки Шахзода Муҳамедова тутиб олган бўла қолсин” деб таклиф билдирди.

Аммо, Шахзода Муҳамедова “ҳаммаси ҳаққоний бўлсин” деб, бу таклифни рад этди.

Иккинчи марта отилган гулдастани эса, меҳмон қизлардан бири илиб олди ва Рухшона билан суратга ҳам тушишди!

Буни кўриб, “куёв ҳам нимадир отсин, уйланмаган йигитлар кўп” деган таклифлар бўлди ва бу ҳам инобатга олинди! Йигитлар тўпланишди ва куёв Санжарбек ҳам ҳазил билан бодринг отди!

Бодрингни бир ёш актёр тутиб олди!

Оталарнинг оқ фотиҳаси, эзгу тилакларидан сўнг, ёр-ёр садолари остида келин-куёв, янги ҳаёт сари қадам қўйишди!

Тўй чиройли, қувноқ руҳиятда ва файзли ўтди!

Биз ҳам Санжарбек ва Рухшонага чексиз бахт, омад ҳамиша ҳамроҳ бўлишини тилаймиз! Тўйда барча тилак билдирганидек, бир умр биргаликда бахтли ҳаёт кечириб, келажакда ширин-ширин фарзандларнинг ота-онаси бўлишларига, қўша қаришларига тилакдошмиз!