FATTOHHON.COM

ЁШЛАР МАДАНИЯТ ВА САНЪАТ МАРКАЗИНИНГ ОЧИЛИШИДАН! 10.11.2014 19:17

10 ноябрь куни «Ёшлар ижод саройи»да Ёшлар маданият ва санъат маркази очилиши, ҳамда унинг лойиҳалари тақдимот маросими бўлиб ўтди. Ёшлар маданият ва санъат марказининг ташкил этилиши, ҳамда унинг фаолияти ҳақида сайтимизда маълумот берган эдик. МАЪЛУМОТГА ЎТИШ!

Очилиш маросимида кўплаб ёшлар, эстрада хонандалари, актёр, актрисалар ҳам иштирок этишди.

Тақдимотни “Ўзбегим таронаси”дан Жамшид Ҳожиниёзов олиб борди ва кўтаринки кайфиятда самимий ҳазиллари билан барчага янада хушкайфият бағишлади. Очилиш маросими Ёшларга хос жўшқин концерт форматида бўлиб ўтди.

Тақдимот давомида Ёшлар маданият ва санъат марказининг фаолияти ва лойиҳаларига бағишланган видеороликлар намойиш қилинди.

Тақдимотнинг концерт қисмида ўзбек эстрадасининг машҳур хонандалари ўзларининг ажойиб қўшиқлари билан йиғилганларни хушнуд этдилар.

Жумладан, Зиёда,

“Уммон” гуруҳи,

Райҳон,

Шахзода,

Шохруххон,

Лола,

Севара Назархон,

Жаҳонгир Позилжонов,

Муниса Ризаева,

Гуласал Абдуллаева,

“Элдидо” гуруҳи,

Фарҳод ва Ширин дуэти,

Ягона,

Амира Алибекова,

Тамила.

Шунингдек, режиссёр Рустам Шамсутдинов,

актриса Лола Элтоева,

актёр Отабек Маҳкамов,

“Тарона” студияси директори Даврон Муқимов,

шоир ҳамда продюсер Бобур Бобомурод ва бошқа кўплаб шоу бизнес вакиллари иштирок этишди.

Ёшлар маданият ва санъат марказининг асосий вазифалари умидли ижодкор, иқтидорли ёшларни қўллаб-қувватлаш, концерт, фестиваль, кўрик-танлов ва турли маданий шоу-тамоша тадбирлари ўтказишдан иборат бўлиб, ёшларни Ватанга муҳаббат, мустақиллик ғояларига садоқат ва фидойилик руҳида тарбиялаш, уларнинг кенг қамровли бунёдкорлик ва яратувчанлик жараёнидаги иштирокини кенгайтиришда маданият ва санъатнинг ролини ошириш бўйича бир қатор лойиҳаларни амалга оширишни режалаштирган.

Саида Вахобова

Феруза Фаттохова

Видеолар инстаграм тармоғидаги

Saida_Vahobova_Fattohhoncom профилида!