FATTOHHON.COM

“ЗУВОЛА” АСИЛ ҚЎШИҚЛАР МИЛЛИЙ ТАНЛОВИНИНГ ДАСТЛАБКИ ҒОЛИБЛАРИНИ ТАҚДИРЛАШ МАРОСИМИДАН! КИМЛАР ТАҚДИРЛАНДИ? + ВИДЕО! БАТАФСИЛ! 18.04.2018 04:19

2017 йил 25 декабрь куни Ўзбекистон Республикаси Президенти Ш. М. Мирзиёев ҳузурида Маданият вазирлиги ва Бадиий академия раҳбарларининг ҳисоботларини муҳокама қилиш якунлари бўйича имзоланган 19580-сон баёнининг 24-бандига оид вазифа ва топшириқлар ижросини таъминлаш, шунингдек, шоир, бастакор ҳамда, хонандаларнинг ижодий ҳамкорлигини йўлга қўйиш орқали яратилган янги ва энг яхши асарлар муаллифларини моддий рағбатлантириш мақсадида, Ўзбекистон Республикаси Маданият вазирлиги, ҳамда “Ўзбекконцерт” ДМ томонидан жорий йилнинг 25 январь куни “Зувола” асил қўшиқлар миллий танлови эълон қилинган бўлиб, шу кунга қадар танлов қоидаларига кўра, дастлабки ғолиблар маълум бўлди.

Жорий йилнинг 17 апрель куни эса, “Ўзбекконцерт” Давлат муассасасининг “Аквариум” залида мазкур танловнинг дастлабки ғолибларини тақдирлаш маросими бўлиб ўтди.

Тақдирлаш маросимини “Ўзбекконцерт” Давлат Муассасаси Бош Директори Одилжон Абдуқаҳҳоров очиб бергач,

Ўзбекистон Республикаси Маданият вазирининг биринчи ўринбосари Озодбек Назарбековга сўз берди.

Озодбек Назарбеков мазкур танловга келиб тушган 2500 та қўшиқлар орасидан кучли йигирматалик учун фақатгина тўртта қўшиқ танлаб олинганлиги ва нисбатан яхши, дея эътироф этилган 15 та қўшиқ эса танловнинг рағбатлантирувчи мукофотлари учун мўлжалланган 30 та қўшиқлар сафидан жой олганлигини айтиб ўтди.

Шунингдек, шу кунларда кўплаб хонандаларда қўшиқ танлаш бобида савия тушиб кетганлиги ва бунинг сабаблари, асосий сабаб кам китоб ўқишда эканлиги, қўшиқ танлвшда ҳам мана шу муҳим жиҳатга эътиборсизлик борлиги таъкидлади. Танловда асосан, ёшлар фаоллик кўрсатганлигини айтиб, кўплаб ёшлар бир неча марталаб қайта қўшиқ топширганлари ва тинмай изланганларини самимий маъқуллади.

ВИДЕОДА БАТАФСИЛ!

Шундан сўнг, Озодбек Назарбеков бошчилигида энг сара қўшиқлар муаллифларига диплом ва пул мукофотлари топширилди.

Жумладан, ёш хонандалардан Иззатилла Шукуров,

Шахзод Муродов, Беҳзод Эшонов,

Юсуфхон Нурматов, Одина Абдуллаева, Моҳим ва бошқалар диплом, ҳамда пул мукофоти билан тақдирланишди.

Ғолиблар ичида Азиза Мамадалиева ва Юлдуз Абдураҳмонованинг “Майда-майда” қўшиғи учун диплом, пул мукофотидан ташқари, телеведение ва радиода ўз ижод намуналарини тақдим этиши учун бир йиллик бепул лицензия “Ўзбекконцерт” Давлат Муассасасининг Бош директори Одил Абдуқаҳҳоров томонидан қўшимча равишда тақдим этилди.

Тақдирлаш якунида сўзга чиққан Ўзбекистон Ёзувчилар уюшмаси аъзоси, «Ўзбекконцерт» Давлат Муассасаси қошидаги Қўшиқлар ва уларга ишланган видеоклиплар савиясини баҳолаш Бадиий Кенгаши аъзоси, шоир Ботир Эргашев ҳам сўзга чиқиб ўз фикрларини баён этди.

Тақдирлаш маросимида ОАВ вакиллари ва хонандалар ҳам иштирок этишди.

ВИДЕОДА!

“Зувола” асил қўшиқлар миллий танлови шу билан якунига етмади! Танлов муддати узайтирилган бўлиб, жорий йилнинг 20 май соат 20:20гача узайтирилганлиги маълум қилинган.

20 май санасидан сўнг, узайтирилган муддатда ғолиб ва совриндор бўлганлар учун яна алоҳида тақдирлаш маросими ўтказилади.
Танловда иштирок этишни хоҳловчилар ўз ижод намуналарини телеграмдаги +99899 823-20-20 рақамига йўллашлари мумкин. Имкониятингизни қўлдан бой берманг!

Саида Вахобова

Феруза Фаттохова