FATTOHHON.COM
« Все новости
Ўзбекистон жаҳоннинг кўплаб давлатлари билан маданий алоқаларини тобора кенгайтириб бораётгани қувонарли ҳол. Жумладан, турли мамлакатларда юқори савияда ўтказиб келинаётган Ўзбекистон маданияти кунлари дунё ҳамжамиятининг ўзбек маданияти ва санъатига бўлган қизиқишини оширмоқда.
Маданият вазирлиги Матбуот хизмати маълумотига кўра, Вьетнам Социалистик Республикасининг пойтахти, гўзал Ханой шаҳрида жойлашган Катта опера театрида Ўзбекистон маданият кунларининг очилиш маросимига бағишланган тантанали гала-концерт бўлиб ўтди.
Театр фойесида Ўзбекистон маданияти, миллий анъана, урф-одатларини акс эттирувчи фотокўргазма ҳамда амалий санъат, ҳунармандчилик маҳсулотлари намойиши ташкиллаштирилди.
Концертда Ўзбекистон халқ артисти Маҳмуд Намозов,
Ўзбекистонда хизмат кўрсатган артистлар Яҳё ва Муҳсин Мўминовлар, бошқа хонанда ва созандалар, раққосаларнинг ижро маҳоратлари Вьетнам шаҳри аҳолисида катта таассурот қолдиргани уларнинг гулдурос олқишларидан маълум бўлди.
