FATTOHHON.COM

ЗУЛАЙҲО БОЙХОНОВА МУСИҚА МАКТАБИДА! 20.04.2018 17:47

Ўзбекистон Халқ артистлари Клуби аъзолари бўлган Ўзбекистон Халқ артистларини Республикамиз бўйлаб, барча вилоят, туманлардаги мусиқа ва санъат мактабларига бориб, у ерлардаги ўқув ишлари билан яқиндан танишиб, таълим олаётган иқтидорли ёшларга ўз билим ва кўникмаларидан сабоқ, ҳамда керакли маслаҳатларни бераётганлари, маҳорат дарслари ўтказаётганлари ҳақида сайтимизда маълумот берган эдик.

Мазкур анъанани давом эттирган ҳолда, Ўзбекистон Халқ артистлари Клуби аъзоси Ўзбекистон Халқ артисти Зулайҳо Бойхонова Шайхонтоҳур туманидаги 23 – сон Болалар мусиқа ва санъат мактабида маҳорат сабоқларини ўтказди. Устоз санъаткор мазкур мусиқа мактабидаги ўқув ишлари билан танишиб, болаларнинг ижоди, қайси йўналишда таълим олаётганлари билан суҳбатлашиб, уларга ижод борасида зарур маслаҳатлар бердилар.