FATTOHHON.COM
« Все новостиХалқаро цирк кунига Бутунжаҳон Цирк федерацияси асос солган. Европа цирк ассоциацияси эса қўллаб-қувватлаган. Бундан, айниқса, цирк санъати артистлари жуда қувонишган. Илк бор 2010 йилда ушбу сана халқаро даражада нишонлана бошланган. Халқаро Цирк куни одатда апрель ойининг учинчи шанбасида ҳар йили кўтаринки руҳда ўтказилади. Навбатдаги цирк куни 21 апрель кунига тўғри келди. Цирк санъатини халқаро миқёсда муносиб тарзда баҳолаш мақсадида байрам ташкил этилди.
Маданият вазирлиги Матбуот хизмати маълумотига кўра, “Ўзбек давлат цирки” жамоаси бу йилги байрам дастурига қизғин тайёргарлик ишларини олиб борди.
“Очиқ эшиклар куни” деб эълон қилиниши муносабати билан тадбирга кириш бепул бўлиб, эрталаб соат 10.00дан бошлаб томошабинлар цирк биносига ташриф буюришди.
Россия цирк артистлари билан бирга ўзбек цирк етакчи усталари цирк манежида барча иштирокчилар учун маҳорат дарслари ўтказишди. Бунда томошага ташриф буюрган болажонлар ўзлари қизиққан жанрда ўз маҳоратларини синаб кўрдилар.
Татаристон ва Бошқирдистонда хизмат кўрсатган артист Феруза Холдорова раҳбарлигидаги “Ляйсан” ҳамда, Марьям Бухарова бошчилигидаги “Изге Нур” ансамбллари иштирокчи сифатида байрам тантанасига таклиф этилди.
“Делюкс” рақс студияси мураббийлари Азиза Мўминова ҳамда Азиза Идрисовалар цирк манежида флеш-моб ўтказишди.
Тадбир сўнггида томошада фаол иштирок этган цирк артистлари ҳамда, иштирокчилар “Ўзбек давлат цирки” Давлат муассасаси томонидан диплом билан тақдирландилар.