FATTOHHON.COM
« Все новостиЖорий йилнинг 28 апрель – 1 май кунлари Россия Федерациясидан йўл олган “Ғалаба – барча учун бир” (Победа – одна на всех) номидаги автоэкспедиция “Нижневаторск – Самарканд” йўналиши бўйича Ўзбекистонга ташриф буюрди.
Маданият вазирлигининг бошқарма бошлиғи ўринбосари Фаррух Юнусов маълумотига кўра, меҳмонларни Тошкент шаҳрида Ўзбекистон Республикаси Маданият вазирлигининг Ижодкор ёшлар билан ишлаш ва оммавий маданий тадбирларни ташкил этиш бошқармаси ходимлари кутиб олдилар.
Тадбир давомида иштирокчилар ҳудудлардаги Иккинчи жаҳон уруши қурбонларига бағишланган мемориал комплексларда гулчамбарлар қўйиш, Иккинчи жаҳон уруши қатнашчилари, меҳнат фахрийлари ҳамда иқтидорли ижодкор ёшлар билан учрашишни режалаштирганлар.
Тадбирда Россия Федерациясининг Ўзбекистон Республикасидаги Фавқулодда ва Мухтор Элчиси Владимир Тюрденев автоэкспедиция аъзолари ва меҳмонлар билан Тошкент шаҳридаги Иккинчи жаҳон уруши қатнашчилари хотирасига барпо этилган “Братские могилы” мемориал комплексида уруш қатнашчилари ва меҳнат фаҳрийлари билан учрашиб, автоэкспедиция аъзоларининг ташрифидан ҳурсандлиги ҳамда Ўзбекистон ва Россия ўртасидаги икки томонлама муносабатлар ва ҳамкорликнинг бугунги ижобий ҳолати ҳамда уни ривожлантириш истиқболлари ҳақида алоҳида тўхталиб ўтди ва “Мотамсаро она” ҳайкали пойига гул қўйиш маросимида иштирок этди.
“Ғалаба – барча учун бир” автоэкспедицияси иштирокчилари ҳозирда Самарқанд шаҳрига ташриф буюриб, режа асосида у ердаги тадбирларда қатнашмоқдалар.