FATTOHHON.COM
« Все новости
Ўзбекистонда хизмат кўрсатган артист Райҳон ўзининг навбатдаги янги мусиқий “Томчи” деб номланган альбоми тақдимотини ўтказди.
Тақдимотга дўсти Якзон билан келган Райҳонни мухлислари Discovery мусиқий магазини ёнида қувонч билан кутиб олишди.
Барчага миннатдорчилик билдиргач, Райҳон янги мусиқий альбоми ҳақида маълумот бериб ўтди.
Мазкур альбом 14 та қўшиқни ўз ичига олган бўлиб, улардан 6 таси дуэт тарзида куйланган. Бу альбомни энг дуэтларга бой альбом, дейиш мумкин!
Райхон тақдимот давомида мазкур дуэтлар ҳақида алоҳида тўхталиб ўтди. Жумладан, Ўзбекистонда хизмат кўрсатган артист Сардор Раҳимхон билан куйлаган дуэт ўзига жуда ҳам манзур бўлганлиги ҳақида, (Мазкур дуэт ҳақида, жорий йилнинг февраль ойида бўлиб ўтган концерти олди сайтимизга берган эксклюзив интервьюсида ҳам айтиб ўтган эди. МАЪЛУМОТГА ЎТИШ!) шунингдек, Ўзбекистонда хизмат кўрсатган артист Зиёда билан биринчи марта бирга дуэт куйлаганлиги ва бирга ишлаш мароқли бўлганини, ҳамда актриса Ҳалима Ибрагимова билан куйланган дуэтга ҳам алоҳида тўхталиб, машҳур “Ялла” гуруҳи репертуаридан шу қўшиқни куйламоқчи бўлганида, дуэтдош сифатида дарҳол Ҳалима Ибрагимова ҳақида ўйлагани ва унга таклиф қилганида рози бўлгани, унинг Сардор Раҳимхон билан дуэтлари ҳам ажойиб чиққанлигини таъкидлаб ўтди.
Шунингдек, тақдимот давомида Райҳон мазкур альбом яратилишида ўз ҳиссасини қўшган барча ижодкорларга, жумладан дўсти Якзонга ҳам алоҳида миннатдорчилик билдирди.
ВИДЕОДА!
Бундан ташқари, деярли ҳар бир қўшиққа алоҳида тўхталиб, ўша қўшиқнинг яратилиш тарихини ҳам айтиб ўтди.
Тақдимот, Райҳон билан мухлислар томонидан селфилар билан ҳақиқий фотосессияга айланиб кетди! Мухлислари Райҳонни янги мусиқий альбоми билан самимий табриклашди!
Тақдимотдан сўнг, янги мусиқий альбом ҳақида Райҳонга бир неча саволлар билан мурожаат қилдик. Райҳон мазкур мусиқий альбомни бошқа альбомларидан фарқи, альбомдаги ҳар бир қўшиқнинг ўз тарихи, альбом номи учун нега айнан “Томчи” қўшиғи танланганлиги, умр йўлдоши танлаган қўшиқ ва айнан у куйлашига қарши бўлган қўшиқ, шунингдек,
ЭКСКЛЮЗИВ ВИДЕОДА!
янги суратга олинаётган “Томчи” қўшиғига суратга олинган клипнинг мантиқий давоми бўлган янги “Юрак” клипи, ҳамда бу янги клипда ҳам суратга тушган “Томчи” клипидаги салбий қаҳрамон ҳақида батафсил маълум қилди!
Саида Вахобова
Феруза Фаттохова
Фотолар учун фотограф Бобурбек Одиловга
миннатдорчилик билдирамиз
