FATTOHHON.COM
« Все новости
28-29 май кунлари 2 кун давомида «Истиқлол» санъат саройида Тошкент шаҳар Ички ишлар Бош бошқармаси Маънавият ва маърифат Маркази томонидан 1 июнь Халқаро болаларни ҳимоя қилиш кунига бағишлаб, “Қалбим садолари” деб номланган катта гала концерт ўтказилди.
Мазур гала-концертнинг биринчи кунида Ўзбекистон Халқ артисти Маҳмуд Намозов, Устоз созанда, санъаткор Фарҳод Саидов, хонандалар Бекмурод Жўраев, Мустафо, Дилфуза Ҳайитметова, Ҳожиакбар Маллабоев, Наргиза Азимова, Алишер Рўзметов, Бегзод Ҳаққиев, Дилдора Ниёзова,
Зоҳиршоҳ Жўраев, Жасмина,
“Сурхон” гуруҳи, “Мароканд” гуруҳи, “Кўзмунчоқ” болалар рақс ансамбли, ҳамда “Лазги” рақс ансамбли иштирок этишди.
Гала концертнинг иккинчи кунида концерт бошланиши олдидан Тошкент шаҳар Ички ишлар Бош бошқармаси Маънавият ва маърифат Маркази томонидан Ватанимиз ҳимояси, Юртимиз тинчлиги йўлида ўз жонини фидо қилган, ҳамда ўз вазифасини сидқидилдан бажариш вақтида ногирон бўлиб қолган Ички ишлар бош бошқармаси ходимларининг оила аъзолари, фарзандлари ва яқинларига ҳурмат билан совғалар топширилди.
Сўнг, Буюк инсонлар, Ватан ҳимояси йўлида жон фидо қилган, жасоратли мард Ички ишлар бош бошқармаси ходимлари хотирасини ёдга олиб бир дақиқа сукут сақланди.
Концертнинг иккинчи кунида Устоз созанда, санъаткор Фарҳод Саидов, хонандалар Бекмурод Жўраев, Мустафо, Ҳожиакбар Маллабоев, Наргиза Азимова, Алишер Рўзметов, Бегзод Ҳаққиев, Дилдора Ниёзова, Зоҳиршоҳ Жўраев, Жасмина, “Сурхон” гуруҳи, “Шарқ юлдузлари” болалар рақс ансамбли, ҳамда “Лазги” рақс ансамбли иштирок этишди.
Концертнинг ҳар икки куни ҳам кўтаринки руҳда ўтди.
Шунингдек, концертнинг ҳар икки кунида таниқли сўз устаси, актёр Шукурилло Исроилов ўзининг самимий ҳазиллари билан томошабинлар кайфиятини янада юқори кўтарди.
Шунингдек, Шукурилло Исроилов соз чалиб, томошабинларни ҳайратлантирди.
Икки кунлик концерт дастурини бошловчи Анвар Тожибоев олиб борди.
Концерт ташкилотчиси Тошкент шаҳар Ички ишлар Бош бошқармаси Маънавият ва маърифат Маркази бошлиғи Маъруфжон Гадоев.
Концерт продюсери Саидкарим Кабиров.
Концерт режиссёри Зокиржон Қаюмов.
Концерт ташкилотчиси Маъруфжон Гадоев: - Бу концертимизни Тошкент шаҳар Ички ишлар Бош бошқармаси Раҳбарияти билан маслаҳатлашган ҳолда 2 ой аввал режалаштирган эдик. Бу концертимиз 1 июнь Халқаро болаларни ҳимоя қилиш кунига бағишланиб, мақсадимиз Ватанимиз ҳимояси, Юртимиз тинчлиги йўлида ҳалок бўлган ҳамда, ўз вазифасини сидқидилдан бажариш вақтида ногирон бўлиб қолган Ички ишлар бош бошқармаси ходимларининг оила аъзолари, фарзандлари ва яқинларини таклиф қилиб, уларга бироз бўлса ҳам, хурсандчилик улашиш бўлди. Уларга совғалар топширилди. Бундан ташқари, 29 май куни кундузи Ғафур Ғулом боғида ҳам уларни таклиф қилиб, совғалар улашиб, дастурхон ёзилди. Концертни ташкил этишдаги амалий ёрдам учун Раҳбариятга миннатдорчилик билдирамиз. Биз истардикки, бутун Ўзбекистонимиз халқининг фарзандлари ҳамиша шод, бахтиёр бўлишсин!
Саида Вахобова
Феруза Фаттохова
Фотолар учун фотограф Достонбек Махмадиев, ҳамда
фотограф Бобуржон Одиловга миннатдорчилик билдирамиз.
Концертдан фотолар:
