FATTOHHON.COM
« Все новости
11 июнь куни Ўзбекистон Республикаси Маданият Вазирлиги мажлислар залида Вазирликнинг янги нашри Маданият газетасининг тақдимот маросими бўлиб ўтди. Тақдимот маросимини Маданият вазири Бахтиёр Сайфуллаев очиб берди.
Вазир Бахтиёр Сайфуллаев Маданият вазирлиги муасссислигидаги “Гулистон”, “Театр” ва “Мозийдан садо” журналлари чоп этиб келинаётганлигини, эндиликда улар сафига қўшилган “Маданият” газетаси ҳам ўзига хос ўрин тутишини алоҳида таъкидлаб, бу газетанинг илк сони эканлиги, келгусида газета саҳифаларини кўпайтириб, алоҳида русийзабон муштарийлар учун қўшимча саҳифа, ҳамда кейинчалик инглиз тилида ҳам саҳифа қўшиш кераклигини, ҳамда театр ва тизимдаги ташкилотлар ишини ёритишда танқид ва таҳлилдан кўпроқ фойдаланишни, шунингдек, газетада театрлар репертуарларини ҳам бериб бориш кераклигини айтиб ўтди.
Тақдимот модератори Мавлуда Асқархўжаева.
Тақдимотда “Ўзбеккино” Миллий агентлиги Директорининг биринчи ўринбосари Шуҳрат Ризаев,
Ўзбек Миллий Академик драма театри директори Фатхулла Маъсудов,
Ўзбекистон Халқ артисти Ёқуб Аҳмедов,
Ўзбекистонда хизмат кўрсатган артист Гулчеҳра Иброҳимбекова сўзга чиқиб, янги нашр фаолиятига оид таклифлар билдиришди.
Шунингдек, Вазир Бахтиёр Сайфуллаев фикрларни инобатга олган ҳолда мазкур Газетада кейинчалик болалар учун алоҳида саҳифа очилишини, хорижда ҳам Маданият вазирлиги томонидан ўтказилаётган тадбирларни ҳам кенгроқ ёритиш ва бошқа таклифларни қўллаб-қувватлаб, таклифлар инобатга олинишини билдирди.
Эндиликда мазкур Газета тарғибот воситаларининг ўзаро боғлиқлигини юзага келиши баробарида, соҳа фаолиятини янада тўлақонли ёритишга муносиб ҳисса қўшади. Маданият газетаси ўз саҳифаларида Вазирлик тизимидаги ҳар бир соҳа фаолиятини акс эттиришга эътибор қаратади. Мамлакатимизда ўтказилаётган аҳамиятли тадбирларни ҳам ўз ўрнида ёритиб боради.
Саида Вахобова
Феруза Фаттохова
Фотолар учун фотограф Бобурбек Одиловга
миннатдорчилик билдирамиз
