FATTOHHON.COM
« Все новости 
7 июнь куни, соат 18.00 да Алишер Навоий киносаройида, дебютант режиссёрлар Суръат Исломов ва Ойбек Ҳолмедовлар томонидан суратга олинган “Қўчқор аканинг коптоги” фильми премьераси бўлиб ўтди.
Постановкачи оператор Маъруф Ҳожибоев
Монтаж устаси Муҳбилло Убайдуллаев
Фильм тақдимотига жуда кўплаб томошабинлар ташриф буюрдилар.
Аммо, фильмда суратга тушганлардан кўплари тақдимотга кела олишмади.
Ижодкорларни саҳнада сўз усталари Валижон Шамшиев ва Мирзабек Ҳолмедовлар таништириб ўтишди.
Таништириш жараёнида, дебютант режиссёрларга ҳам сўз берилди ва улар “камчилик бўлса, узр ва ҳаммага раҳмат” дейишди.
Таништириш жараёнида, Мирза Ҳолмедов Мурод Ражабовга телефон қилди.
Саҳнада фильм ижодкорлари ва актёрлар дасхати туширилган 2 та коптокни мухлисларга отишди. Узоқ таништирувдан сўнг, Мирзабек Ҳолмедов “Агар фильм сиз томошабинларга ёқмаса бошқа фильм суратга олмасликка” ваъда берди.
Фильм намойиши бошланди.
Фильм воқеаларининг бошида футболчиларга бағишланган деб ўйлаган томошабинлар, фильмнинг ярмига келиб, аслида фильм нима ҳақида эканлигини англай олмай бироз зерикишди. Фильм якунида, фильм ижодкорлари аслида ҳалолликка даъват қилмоқчи бўлганликлари маълум бўлди!
Ўйлашимча, фильм ютуғи бу фильмнинг операторлик иши.
Иш бор жойда камчилик ҳам бўлади, дегандек асосий камчилик, дебютант режиссёрнинг актёрлар билан ишлай олмаганлиги, деб ўйлайман. Фильмда импривизация кўпайиб кетган, назаримда. Бу фикримча, сценарий сустлигидан далолат.
Фильм жанри комедия бўлганлиги сабаб, фильмни жиддий таҳлил қилиш фикридан йироқмиз.
Ҳар бир фильм тақдирини томошабинлар ҳал қилади.
“Қўчқор аканинг коптоги” фильми намойиши 8 июндан бошлаб юртимиз кинотеатрларида!
Фотолар учун “Delux media” студияси Қиличбек Жумабоевга ва Саиджон Жумабоевга миннатдорчилик билдирамиз.
Репортаж Шоира Юнусова амалга оширди.
Муҳаррир Феруза Фаттохова
