FATTOHHON.COM
« Все новости
МУАЛЛИФЛАР ВА ИЖРОЧИЛАР ГИЛЬДИЯСИ
Муаллифлар ва ижрочилар Гильдияси нодавлат ва нотижорат ташкилот бўлиб, Адлия Вазирлиги томонидан 2006 йил 21 декабрда рўйхатга олинган. Ташкилотнинг мақсади, муаллиф ва ижрочиларнинг муаллифлик ҳуқуқларини ҳимоялашдан иборат.
Гильдия таниқли ўзбек муаллиф ва ижрочиларнинг ташаббуслари билан ташкил қилинган бўлиб, ихтиёрий аъзоликка асосланган.
Агар кимдир сизнинг қўшиғингизни мусиқаси ёки сўзларини “ўғирлаган” бўлса, сиз ўз ҳуқуқларингизни ҳимоя қилиш учун, Муаллифлар ва ижрочилар Гильдиясига мурожаат қилишингиз мумкин. Бу ерда сизга керакли маслаҳатлар берилиб, ёрдам кўрсатилади.
Масалан, хонанда Райҳон фаолияти билан боғлиқ ҳодиса, бунга яққол мисол бўла олади. Райҳоннинг “Бака банг” қўшиғини бир Қозоғистонлик хонанда қиз, унинг рухсатисиз, қайта куйлаган эди. Райҳоннинг Муаллифлар ва ижрочилар Гильдиясига қилган мурожаати беиз кетмади. Клип, Youtube каналларидан бутунлай ўчириб ташланди.
Райҳон: - “Бака банг” қўшиғимнинг ўғирланиши бўйича, “Youtube” да ўша Қозоғистонлик хонанданинг шу қўшиғимни куйлаб, суратга олган видеоклипининг барча ссылкалари ўчириб ташланди. Шундай қилинишига “Ўзбекистон муаллифлар ва ижрочилар Гильдияси” ёрдам берди.
YOUTUBE.COM ва МУАЛЛИФЛАР ВА ИЖРОЧИЛАР ГИЛЬДИЯСИНИНГ ҲАМКОРЛИГИ
Дунёнинг энг катта видео-хостинги ҳисобланмиш www.youtube.com да Гильдиянинг 2 та расмий канали очилди.
http://www.youtube.com/user/UzGildiya
https://www.youtube.com/user/RizaNovaUZ
Эндиликда, сиз Гильдия билан шартнома тузган ҳолда, ўз клип, фильм ёки видеороликларингизни мазкур каналларга жойлаштиришингиз мумкин.
Бунинг қандай афзалликлари бор?
Биринчи навбатда тезкорлик ва фаоллик! Яъни, сиз ўз клипингизни Гильдия каналларидан бирига берганингиздан сўнг, бир кеча-кундуз муддат ичида, клипингиз, фильмингиз ёки видеоролигингиз Гильдия каналига қўйилиб, намойиш этила бошланади!
Иккинчидан, сизнинг клипингизни дунё бўйича жуда катта томошабинлар аудиторияси кўрадилар. Бу эса, ижодкорлар учун энг яхши промоушн, энг яхши рекламадир!
Учинчидан, сизнинг муаллифлик ҳуқуқларингизга тўлиқ риоя қилинади. Яъни, сизнинг ижод намуналарингизни Гильдия каналларидаги намойиши, сизнинг муаллифлик ҳуқуқларингизнинг тўлиқ ҳимояланишидир! Агар, www.youtube.com орқали сизнинг муаллифлик ҳуқуқларингиз бузилаётган деб ҳисобласангиз, ёки қайсидир канал сизнинг ижод намуналарингизни сизнинг рухсатингиз намойиш этса, ёки сизнинг шаънингизга тегадиган бирор материал намойиш этадиган бўлса, Гильдия бундай материаллар ва видеоклипларни ўчиришда, муаллифлик ҳуқуқларингиз ҳимоясида, сизга ёрдам кўрсатиши кафолатланган.
Тўртинчидан, сиз ўз ижод намунангизни Гильдия каналларига жойлаштирганлигингиз учун, сизга маълум бир фоиз маблағ ҳам тўланади! Яъни, сиз аввалгидек қандайдир норасмий каналларга ижод намунангизни, видеоклип ва фильмларингизни www.youtube.com га жойлаб берганлиги учун, ҳақ тўлаб ўтирмайсиз! Аксинча, сизга тўлашади! Бунинг сабаби ҳам оддий, Гильдия каналлари www.youtube.com нинг расмий ҳамкори бўлганлиги учун ҳам, Гильдиянинг каналидаги ҳар бир видеоклипда реклама жойлаштирилади ва натижада, www.youtube.com мазкур реклама учун муаллиф ва ижрочиларга маълум бир миқдорда, ҳар бир намойиш яъни, кўрилганлик учун маблағ тўлайди!
Шуни ёдда тутингки, Гильдия каналларидан бошқа каналлар муаллиф ва ижрочиларга ижод намуналари ва видеоклипларни кўрилганлиги учун ҳақ тўламайди! Аксинча, уларга сиз тўлашингизга тўғри келади ва у каналлар сизнинг видеоклипингизни ўзлари истаган муддатда ўчириб ташлашлари, ёки бирор ҳолат юз бериб, “тасодифан” видеоклипларингиз ўчиб кетиши ҳам мумкин.
Гильдия каналларида эса, бундай “тасодиф”ларга ўрин йўқ!
Ҳозирги кунда кўплаб, энг оммабоп, мусиқий ва видео маълумот тарқатувчи интернет ресурслар ҳам, Муаллифлар ва ижрочилар Гильдияси билан ҳамкорликда ишламоқдалар! Лекин, шунингдек, Муаллифлик қонунларига зид ҳолатда фаолият юритаётган пират каналлар ҳам йўқ эмас. Шу муносабат билан, Муаллифлар ва ижрочилар Гильдияси ўз аъзолари ва бошқа ижодкорларни, Гильдия билан шартномага эга бўлмаган пират интернет ресурслар билан ҳамкорлик қилмасликка чақиради!
Фақатгина Муаллифлар ва ижрочилар Гильдиясининг www.youtube.com даги лицензияли каналларидагина, сиз ўз ижод намуналарингиз ва видеоклипларингиз бепул жойлаштиришингиз, ижод намуналарингиз ва видеоклипларингиз намойишлари учун маълум бир миқдорда маблағ олишингиз ва ўз муаллифлик ҳуқуқларингизнинг тўлиқ маънодаги ҳимояланишига эришишингиз мумкин!
Ўз муаллифлик ҳуқуқларингизни ҳимоя қилишни ўрганинг! Муаллифлар ва ижрочилар Гильдияси ҳамиша сиз билан!
Саида Вахобова
Феруза Фаттохова
