FATTOHHON.COM
« Все новости
Жорий йилнинг 16 сентябрь куни Татаристоннинг Қозон шаҳридан ташриф буюрган “Ғалиаскар Камол” театрининг сўнги спектаклидан сўнг, Ўзбекистон Республикаси Маданият вазирининг биринчи ўринбосари Озодбек Назарбеков билан биргаликда, Ўзбек Миллий Академик Драма театри директори Фатхулла Масудов ва театр ижодий жамоаси, Қозонлик меҳмонларни тантанали тақдирлашди. Бу гастроль икки миллатнинг бир-бирига бўлган меҳру муҳаббатини, ҳурматини оширди ва албатта тажриба алмашишига катта кўприк вазифасини бажарди, десак муболаға бўлмайди.
Мезбонлар Театр ходимларига ўзбек милий лаганлари, гулдон кўзалари тақдим этиб, зарчопон кийгазиб уларни муборакбод этдилар.
“Ғалиаскар Камол” театри ҳам, Ўзбекистонлик мезбонларни табриклаб, ўз миллий гиламлари, фахрий ёрлиқлари ва миллий дўппиларини тақдим этишди. Шу куни тақдирлаш маросимидан сўнг, Ўзбек Миллий Академик Драма Театри Татаристонлик меҳмонларни кечки зиёфатга “Лабзак” кошонасига таклиф қилишди.
Эртаси куни Самарқанд шаҳрига саёҳатга олиб боришди. Татаристонлик меҳмонлар ўзбек тарихи билан яқиндан танишиб, ўзбек халқига янада ҳурматлари ошди.
