FATTOHHON.COM
« Все новости
25 октябрь куни Тошкент вилояти Юқори Чирчиқ туманида “Сизларни қадрлаймиз, азиз теримчилар” шиори остида Маданият вазирлиги, Ўзбекистон Маданият ва санъат кўргазмаси ва Ўзбекистон Ёзувчилар уюшмаси ҳамкорлигида ташкиллаштирилган маданий мусиқий тадбир бўлиб ўтди.
Мазкур тадбирдан мақсад, пахта теримчиларини рағбатлантириш ва кўтаринки кайфият бағишлаш, ҳамда юртимиз хирмонига ҳисса қўшишдан иборат.
Тадбирда Муқимий номидаги мусиқали драма театри актёр ва актрисалари, эстрада хонандалари ва сўз усталари, шоир, ёзувчилар иштирок этишди.
Тошкент вилояти Маданият бошқармаси томонидан маданий танаффус ҳамда, Муқимий номидаги мусиқали драма театри актёр ва актрисаларининг чиқишларини теримчилар олқишлар билан кутиб олишди.
Ўзбекистонда хизмат кўрсатган артист Ойбек Ҳамроқулов, эстрада хонандаси Гули Асалхўжаеванинг қўшиқларига теримчилар берилиб рақсга тушишди.
Сўз устаси ва актёр Валижон Шамсиевнинг самимий ҳазиллари теримчилар кайфиятини янада юқори кўтарди.
Сўнг, Илғор теримчиларни тақдирлаш маросими ўтказилиб, энг фаол, илғор теримчилар эсдалик совғалари билан тақдирландилар.
