FATTOHHON.COM

« Все новости

ОЗОДБЕК НАЗАРБЕКОВ КОРЕЯ ЗАМОНАВИЙ САНЪАТИНИНГ ЎЗБЕКИСТОНДАГИ БИРИНЧИ “ГЎЗАЛЛИК БИЛАН ЁНМА-ЁН” КЎРГАЗМАСИ ОЧИЛИШ МАРОСИМИДА! 24.11.2018 11:37

23 ноябрь куни Ўзбекистон Тасвирий санъат галереясида Корея замонавий санъатининг Ўзбекистондаги биринчи “Гўзаллик билан ёнма-ён” кўргазмасининг Очилиш маросими бўлиб ўтди.

Мазкур кўргазма Ўзбекистон ва Корея ўртасида дипломатик муносабатларнинг 27 йиллиги муносабати билан, Ўзбекистон Республикаси Маданият вазирлиги, Маданият вазирлиги қошидаги Маданият ва санъатни ривожлантириш жамғармаси, Корея миллий «AB-gallary» галереяси, ҳамда Тасвирий санъат миллий галереяси билан ҳамкорликда ташкил этилди.

Кўргазманинг очилиш маросимида Ўзбекистон Республикаси Маданият вазирининг биринчи ўринбосари Озодбек Назарбеков ва Кореянинг Ўзбекистондаги Фавқулодда ва мухтор элчиси Квон Ёнг У иштирок этишди.

Ўзбекистон Республикаси Маданият вазирининг биринчи ўринбосари Озодбек Назарбеков Кўргазма очилишида сўзга чиқиб, мазкур кўргазмадан Кореялик ижодкорларнинг энг сара асарлари ўрин олганлиги ва халқларимиз ўртасидаги дўстлик ҳақида ўз фикрларини билдириб ўтди.

Кореянинг Ўзбекистондаги Фавқулодда ва мухтор элчиси Квон Ёнг У кўргазма очилишида, ўз фикрларини баён этар экан, Маданият вазирининг биринчи ўринбосари Озодбек Назарбековга алоҳида миннатдорчилик билдирди.

Ушбу кўргазма доирасида ўтказиладиган замонавий тасвирий санъатнинг ривожига асосий йўналиш ва тенденциялар ҳамда, кейинги ҳамкорлик қадамларини муҳокама қилиш учун, тадбиркорлик алоқаларини кучайтириш бўйича учрашув ҳам бўлиб ўтди.

Мазкур кўргазма Кореянинг нуфузли Миллий галерея коллекциясида сақланган Кореялик ижодкорларнинг энг сара ижодий ишлари бўлган 75 нафар ижод намуналари, Кореянинг сўнгги 27 йил ичида Тасвирий санъатидаги руҳият ва хилма-хилликни ўзида мужассам этган. Кўргазмага ташриф буюрувчилар Кореялик ижодкорлар асарлари орқали, Корея маданияти ва Тасвирий санъатидан бохабар бўлишлари мумкин.