FATTOHHON.COM
« Все новости
РАЙҲОН ЯНГИ ЙИЛДА ЯНГИЧА ҒАЙРАТ БИЛАН! ТУРМУШ ЎРТОҒИ ЙИГИТАЛИ ҲАМДА, ШОУ БИЗНЕСНИНГ ЭНГ ЁРҚИН ВАКИЛЛАРИГАЧА ИШТИРОК ЭТГАН ЯНГИ КЛИП “ҚАНИ?” 20.01.2013 11:14
“Қани?” клипининг суратга олиш ишлари 19 январь куни бошланган бўлиб, клипни суратга олишда бир неча объектлардан фойдаланилди. Шуни таъкидлаш мумкинки, шу вақтга Райҳон ижодида бу қадар кўп юлдузларни жамлаган клип бўлмаган, десак янглишмаймиз. Бунгача “Орзуга ишон” ва “Бомбей” клипларида бир неча машҳурлар иштирок этган эдилар. Лекин, “Қани” клипи Райҳоннинг бошқа клипларидан фарқ қилиши аниқ!
Клип сюжет йўналишида! Клип режиссёри M&TVA 2012 тақдимоти совриндори клипмейкер режиссёр Нозим Жумаев.
Райҳон билан суҳбатлашганимизда маълум қилишича аввалига бошқа бир қўшиққа трэк йўналишида клип суратга олмоқчи бўлинган. Лекин, у клипинг тайёрлаб экранга берилиши узоқ вақтни олиши аниқлиги учун, навбатдаги янги қўшиққа клип суратга олиш режалаштирилган экан.
Клипни суратга олиш ишларининг биринчи куни актёрлар Адиз Ражабов, Азиз Раметов ва Райҳоннинг турмуш ўртоғи Йигитали суратга тушишган.
Клип суратга олиш ишларининг иккинчи куни эса, янада кўплаб таниқли чеҳралар клипда суратга тушишди. Эрталабдан, сўз устаси Шукурулло Исроилов, Ботирхон Имомхўжаев, актрисалар Зуҳра Солиева, Шаҳзода Муҳаммедова, Зарина Низомиддинова, Асал Шодиевалар ҳам клипда суратга тушиб улгуришди.
Пешиндан сўнг эса, клипнинг энг қизғин нуқтаси (!) Райҳон ва Йигитали билан боғлиқ романтик (бошқа клипларда кузатилмаган!) кадрлар суратга олинди! (видеода тақдим этамиз)
Сўнг, аввал теннис кортида, кейин эса, овоз ёзиш студиясида ҳам суратга олиш ишлари бўлиб ўтди.
Теннис кортида хонанда ва актёр Самандар Ҳамроқулов,
Райҳоннинг турмуш ўртоғи Йигитали билан теннис борасида беллашган бўлса,
овоз ёзиш студиясида актёр ва режиссёр Мурод ака Ражабов “продюсер, ҳамда овоз режиссёр”лигини қойиллатди!
Актёр, хонанда ва режиссёр Алишер Узоқов эса, қўшиқ ёзиш жараёнларини намойиш қилди!
Шунингдек, бу клипда клипмейкер режиссёр Нозим Жумаевни ҳам кадрда кўришимиз мумкин!
Ҳозирча мазкур клипга доир фоторепортажни эътиборингизга ҳавола қилдик. Клип билан боғлиқ жараёнлардан барча фотолар ҳамда, клипмейкер Нозим Жумаев, актёр Алишер Узоқов, хонанда Самандар Ҳамроқулов, ҳамда Райҳоннинг клип борасида фикрлари, батафсил эртага!
Шунингдек, “Қани?” клипини суратга олиш жараёнидан видеоларни ҳам эртага тонггача тақдим этамиз!
Саида Вахобова
Феруза Фаттохова
