FATTOHHON.COM
« Все новости
МАДАНИЯТ ВАЗИРИНИНГ БИРИНЧИ ЎРИНБОСАРИ ОЗОДБЕК НАЗАРБЕКОВ НАВОИЙ ВИЛОЯТИДА! 13.03.2019 08:02
Ўзбекистон Маданият вазири биринчи ўринбосари Озодбек Назарбеков Навоий вилояти Кармана тумани Ҳазора қишлоғида жойлашган “Мавлоно Ориф Деггароний” тарихий ёдгорлигига ташриф буюрди. Ўзбекистон Республикаси Президенти ташрифи доирасида амалга оширилган ушбу хизмат сафарида, Озодбек Назарбеков Мавлоно Ориф Деггароний мажмуаси ҳудудидаги Жомеъ Масжиди, ҳамда мақбарасини кўздан кечирар экан, зиёратчилар, сайёҳлар учун янада қулай шарт-шароитлар яратиш борасида ўз тавсияларини берди.
Шунингдек, Озодбек Назарбеков Кармана туманидаги Қосим Шайх зиёратгоҳида ҳам бўлиб, эътибор қаратилиши лозим бўлган жиҳатлар, амалга оширилиши шарт бўлган ишлар юзасидан тегишли кўрсатмалар бериб ўтди.
