FATTOHHON.COM
« Все новости
МАДАНИЯТ ВАЗИРИНИНГ БИРИНЧИ ЎРИНБОСАРИ ОЗОДБЕК НАЗАРБЕКОВ АНДИЖОНДА! ЎЗИ ЎҚИГАН МАКТАБДА КИТОБЛАР СОВҒА ҚИЛИБ... 26.03.2019 18:1619 март куни ўтказилган видеоселектор йиғилишида Муҳтарам Президентимиз Шавкат Миромонович Мирзиёев ёшлар маънавиятини юксалтириш масалалари ҳақида алоҳида тўхталганларида, жойларда кутубхона ташкил қилиш бўйича хайрли ташаббусни илгари суриб, ҳар битта раҳбар ўзи таҳсил олган мактабга ўз ташаббуси билан китоблар совға қилса, китобхонликни ривожлантиришга ўз ҳиссасини қўшишини айтиб ўтдилар.
Муҳтарам Президентимизнинг мазкур ташаббуси ёшларимиз келажаги учун муҳим аҳамият касб этади.
Маданият вазирининг биринчи ўринбосари Озодбек Назарбеков мазкур ташаббусга биринчилардан бўлиб ҳисса қўшиб, бугун 26 март куни ўзи таҳсил олган Андижон вилояти Шаҳрихон туманидаги 1 – сонли умумтаълим мактабида бўлиб, Мактаб кутубхонаси ва ўқувчиларига энг сара китоблардан совға қилди.
Шунингдек, ўқувчилар билан улар қайси китобларни севиб ўқишлари, уларнинг бадиий асарлар ўқишга бўлган қизиқиши, ҳамда китобхонлик мавзусида самимий суҳбатлашди. Илм олиш, китобхонлик борасида ўз фикрларини баён этди. Шунингдек, Ватанпарварлик руҳиятидаги мардона “Мендирман” қўшиғини болалар билан биргаликда куйлади.
Мазкур самимий учрашув ва қисқача китобхонлик суҳбатлари, мактаб ўқувчиларида катта таассурот қолдирди, ҳамда уларда келгусида китобхонликка бўлган қизиқишни янада ошириши шубҳасиз.
Чиндан ҳам, ёшлар тарбиясида, уларнинг билим ва савиясини, интеллектуал салоҳиятини ошириш, маънавиятини юксалтиришда китобнинг алоҳида ўрни бор. Шоир ва мутафаккир Алишер Навоий айтганидек, “Китоб – беминнат устоз, билим ва маънавий юксалишга эришишнинг энг асосий манбаи”дир.
Саида Вахобова
