FATTOHHON.COM

ОЗОДБЕК НАЗАРБЕКОВ АНДИЖОНДАГИ 10 – СОНЛИ МУСИҚА ВА САНЪАТ МАКТАБИ ВА ВИЛОЯТ ҚЎҒИРЧОҚ ТЕАТРИДА! 27.03.2019 03:27

Маданият вазирининг биринчи ўринбосари Озодбек Назарбеков 26 март куни Андижон вилояти Шаҳрихон туманидаги 10- сонли Мусиқа ва санъат мактабида бўлиб, санъатсевар ёшлар билан ижодий учрашув ўтказиб,

 

улар ижросидаги миллий мумтоз йўналишдаги қўшиқларни тинглаб, рақсларни тамоша қилди. Ёшлар билан самимий суҳбат жараёнида, юртимизда ёш истеъдодларнинг қобилиятини тўғри йўналтириш, янги ижод сари руҳлантиришга эътибор қаратилаётгани ҳақида сўз борди.

Шунингдек, Озодбек Назарбеков ёш истеъдодларни қўллаб-қувватлаб, уларга санъат борасида зарурий маслаҳатлар берди. Мазкур самимий ижодий учрашув ёшларда катта таассурот қолдирди.

Шундан сўнг, Маданият вазирининг биринчи ўринбосари Озодбек Назарбеков Андижон вилоят қўғирчоқ театрида бўлиб,

Театр ижодий жамоаси ва ижодий жараёнлар билан танишиб чиқди.  Театр спектаклларини фақатгина Андижон вилоятидагина эмас, балки Тошкент шаҳри ва бошқа ҳудудларда ҳам намойиш қилиш ҳақида маслаҳат берди.

Театрда намойиш қилинаётган спектаклни кўриб, Театр фаолиятини янада ривожлантириш борасида ҳам ўз фикрларини билдирди.

Саида Вахобова