FATTOHHON.COM
« Все новости 
31 январь ва 1 февраль кунлари Нилуфар Усмонова Истамбул шаҳрида концерт берди!
31 январь кунидаги концерт шаҳарнинг Осиё қисмида, 1 февраль куни эса, Европа қисмида бўлиб ўтди!
Ташкилотчилар албатта, муваффақиятли концерт кутишганди, лекин бу даражадаги муваффақият улар учун чинакамига кутилмаган бўлди! Ташкилотчилар ҳаттоки ўз ҳайратини яшира олишмади. Гап шундаки, ҳар икки концертда ҳам, 400 дан ортиқ томошабинга мўлжалланган залларга томошабинлар белгилангандан кўра кўп келишди ва натижада, ҳаттоки концертни кўчада туриб тинглашга мажбур бўлганликлари маълум қилинмоқда!
Шу пайтгача ўзбек хонандаларининг Истамбулдаги концертлари орасида, бунчалик муваффақият кузатилмаган экан!
Деярли тўлиқ жонли ижрода кечган концерт дастурида Нилуфар Усмонова кўплаб қўшиқлар куйлаб, томошабинларни хушнуд этди.
Озарбайжонлик хонанда билан онаси Примадонна Юлдуз Усмонованинг “Ёлғон” қўшиғини турк тилида ижро қилгани ҳам барчани қувонтирди.
Нилуфар Усмонова ўз онасига, элига муносиб фарзанд эканлигини яна бир бор исботлади.
Нилуфар Усмоновани Истамбулдаги муваффақиятли концертлари билан табриклаймиз ва келажакда ўзбек санъати довруғини янада кенг оламга ёйишига тилакдошмиз!
