FATTOHHON.COM
« Все новости 
Шохсанам ижодга қайтгач, янги қўшиқлар тайёрлаш баробарида, янги видеоклип ҳам суратга олдиришга киришди.
11 февраль куни унинг “Шахзодам” қўшиғига клип суратга олинди.
Клип режиссёри Нозим Толипов
Суратга олиш жараёнлари ўзига хос равишда ўтди. Клипни суратга олиш жараёнида массовка билан бирга, элликка яқин ижодкорлар иштирок этишди.
Клипда Шохсанам умуман ўзгача кўринишда намоён бўлиши кутилмоқда! Чунки, шу кунгача Шохсанамни тингловчилар асосан, Хоразмча йўналишдаги қўшиқларини тинглаган бўлсалар, бу қўшиқ ва клип эса, замонавий эстрада услубида!
Клип асосан трек йўналишида ва қисман сюжетга эга бўлиб, сюжети Шохсанамнинг ҳаёти ва оилавий ҳолатидан келиб чиққан.
Клипда Шохсанамнинг имиджи устида стилист Лида Андре ишлади.
Шохсанам: - “Шахзодам” қўшиғининг сўзи Анвар Мирзога, мусиқаси ва аранжеровкаси Асқарга тегишли. Қўшиқ ғояси ва клипнинг ғояси ҳам, ўзимга тегишли. Чунки, қўшиқ ва клип ҳам ўзимнинг ҳаётимдан келиб чиққан ва шунинг учун ҳам, клипда бош ролни ўзим ижро этдим. Шунингдек, яна бир ролни янги чеҳра, турк йигити Эмран ижро этмоқда. У клип режиссёри томонидан танланди. Клип 2 кун давомида суратга олиниши режалаштирилган. Ҳозирда ўзимга ижодий танаффусдан сўнг, камера билан ишлаш бироз қийин бўлмоқда. Лекин, астойдил ҳаракат қиляпман. Клипда 4 та кўринишда чиқяпман. Клипда ўзимни ижро қиляпман, десам ҳам бўлади.
Нозим Толипов клип режиссёри: - Хонанда Шохсанам билан бу адашмасам 7 марта ҳамкорлигимиз, ижодий танаффусдан олдин ҳам, ҳамкорликда клиплар суратга олдирган. Ижодий танаффусдан сўнг чиқиши бўлганлиги учун ҳам, бу клипга бутунлай бошқача ёндошишга ҳаракат қилдик, бошқача ғоя, бошқача кўриниш бўлиши керак! Клип учун жуда сифатли техникалардан фойдаланилмоқда. Клип устида профессионал жамоа ишламоқда. Клипдаги 4 хил кўриниш учун 4 хил декорация тайёрлатдик. Клипда янги чеҳра олиб чиқишга қарор қилдик. Шохсанам билан ҳамкорликда ишлаш яхши, жуда ҳам яхши инсон, ижодкор, дангалчи. Клип бир ҳафтада тайёр бўлади.
“Шахзодам” клипи Шохсанамнинг ижодий танаффусдан кейин, ижоддаги ёрқин қадамларидан бўлиши кутилмоқда.
Саида Вахобова
Фотолар учун фотограф Муҳаммадалига алоҳида миннатдорчилик билдирамиз
