FATTOHHON.COM
« Все новости 
Бухорода “Камолот” ёшлар ижтимоий ҳаракати вилоят кенгаши ва вилоят ҳокимлиги ҳамкорлигидаги ёшлар фестивали бўлиб ўтди!
Фестивални ўтказишдан асосий мақсад - ёшларни "оммавий маданият”нинг турли ёт ғояларидан асраш, шунингдек, халқимиз, миллатимиз, миллий қадриятларимизга ҳурмат ва садоқат руҳида тарбиялаш, мамлакатимиз ижтимоий-иқтисодий, маънавий-маданий тараққиёти йўлида ўз ҳиссаларини қўшаётган иқтидорли ва истеъдодли ёш ижодкорлар, ижтимоий фаол ёшларни ҳар томонлама қўллаб-қувватлаш, иқтидорли ёшларнинг илм-фан соҳаларида қўлга киритган ютуқларини рағбатлантириш ва уларнинг ўз ақл-заковати ва интеллектуал қобилиятини тўла намоён этишларига кўмаклашиш, уларда тадбиркорлик кўникмаларини шакллантириш ҳамда, "Камолот” ёшлар ижтимоий ҳаракатининг вилоятлар миқёсида ўтказиладиган энг сара лойиҳалар ва тадбирлари қамровини кенгайтиришдан иборат эди.
Фестиваль доирасида барча шахар ва туманларда "Оммавий таҳдидлар ва ёшлар маънавияти”, "Депутат ва ёшлар”, "Президент асарлари билимдони”, кабилойиҳалари ташкил этилди.
Мазкур фестивалда хонанда Манзура ҳам қатнашиб, 3 кун давомида, кунига 3 тадан болалар уйлари, коллежлардаги учрашув, ҳамда концертларда иштирок этди. Яъни, кунига 3 тадан мазкур жойларда бўлди.
Фестиваль 8 август куни “Кўҳна ва боқий Бухоро” маданий марказида катта концерт дастури билан якунланди. Мазкур гала-концертда, Манзура билан биргаликда хонандалар Дилноза Исмияминова, Шоира Отабекова, Ойбек ва Нигора, Рухшона, Умидахон, Жасур Умиров ва бошқа бир қатор эстрада хонандалари ҳам иштирок этдилар.
Фотолар учун хонанда Манзурага миннатдорчилик билдирамиз.
