FATTOHHON.COM

Хонанда Манзура янги “Бер бир имкон” қўшиғига видеоклипни суратга олдиртирди.

Клип ҳақидаги маълумотлар ва фотолар учун хонанда Манзура ва унинг администратори Жамшидга миннатдорчилик билдирамиз.

 Ҳозирда клипнинг монтаж жараёнлари кетмоқда. Клип режиссёри Сарвар Исаев, оператор Рустам Муродов. Қўшиқ матни ва аранжеровка Бобур Умаровга, қўшиқ мусиқаси эса Манзуранинг ўзига тегишли.

Клип сюжет йўналишида суратга олиниб, унда бош қаҳрамон қиз ролини Манзуранинг ўзи ижро этди.

Клипда илк марта тележурналист Даврон Кабулов суратга тушди. У шу кунгача ҳеч қайси хонанданинг клипида суратга тушишга рози бўлмаган.

Шунингдек, “Элдидо” гуруҳи хонандаси, актёр Дилниёз Ғаффоровнинг ҳам ижросини кўришимиз мумкин.

Қўшиқ бутунлай ўзгача, ҳеч ким кутмаган йўналишда!

Клип 2 кун давомида тоғда “Чарос” оромгоҳида суратга олинди. Ижодий гуруҳ, “Чарос” оромгоҳи маъмуриятига миннатдорчилик билдиради.

Хонанда Манзура бу гал ҳам, янги клипида ўз анъанасига содиқ қолган ҳолда, барчани ҳайратда қолдирадиган янги имиджларда намоён бўлади! Клипда уни 7-8 хил бутунлай ўзгача, янги имиджларда кўришимиз мумкин!

Стилист Февзи.

Клип учун махсус либослар тиктирилган бўлиб, мазкур имиджларнинг барчаси Ҳилола Шер билан биргаликда амалга оширилган.